Skoffínið

Flóðhestur gleypir dverg... óvart

2009-01-11T16:56:00.001Z

Derrick er dáinn

2008-12-15T18:08:00.001Z

hvað gerir Harry Kókaín Klein þá?

...við skulum taka mínútu þögn og minnast kappans.

Ný leið til hlustunar

2008-12-03T09:49:00.003Z

Hafið þið prófað að hlusta á tónlistina ykkar í stafrófsröð? Ég er að spá í að hlusta bara á O núna í morgunsárið. Fyrstu lögin verða eftirfarandi:

O
Ode to LA - The Ravonettes
An Ode to Noone - Smashing Pumpkins
Once - Pearl Jam
One - Aimee Mann
One Johnny Cash
...Hér ætti að vera One með U2 en ég á það greinilega ekki, merkilegt!
The One - Trabant
The One 21st - Janet Jackson
One Big Mob - Red Hot Chili Peppers
One Caress - Depeche mode
One Day - Björk
One Day - Sissel
One Day - Randy Crawford
One Day She'll park the car - Mugison
One Day Without - Kerenn Ann
One Drop - Bob Marley

og listinn heldur áfram...frekar flottur þverskurður af tónlist finnst ykkur ekki?

Svakaleg kjaftasaga

2008-12-01T19:00:00.002Z

Þá er helgin búin. Fullveldisdagur Íslendinga og ég er heima með hálsinn bólginn, í annað skiptið á árinu.

Helgin var fín. Við fórum með vinahópnum á jólahlaðborð á Hótel Örk og gistum eina nótt. Hótelherbergin voru fín, maturinn ágætur en samt var eitthvað "off" svona over-all. Það þurfti t.d. að borga fyrir uppáhelling eftir matin 300 krónur takk og það var ekkert grín að leita kaffið uppi. Svo þegar Þór bað um kaffi og koniak á barnum þá hellti barþjónninn kaffi í irish coffee glas og kaffinu yfir það. Þeir taka það kannski svoleiðis í Hveró.

Helgin var samt fannst mér fín því aðalmálið er jú að hitta vinina og vera memm og ég var geðveikt mikið memm....þangað til ég þurfti að fara að sofa, tölum ekki meir um það.

Ég ætla svo að láta fylgja alveg svakalega kjaftasögu sem ég heyrði "næstum því" frá fyrstu hendi....elska svona útúrbænum fjarstæðukenndar kjaftasögur ;) Nöfnum og ýmsum staðreyndum hefur breytt til að halda leynd:

Það var víst brotist inn í húsgagnaverslunina KEA umd daginn. Í ljós kom að þarna var á ferðinni Smári Hannesson allsber að hlaupa undan handrukkurum.

...sel þetta ekki dýrara en ég keypti það hehhehehe

góðar stundir

Frábært myndband

2008-11-26T15:18:00.000Z

Áskorun til fjölmiðla

2008-11-26T08:30:00.003Z

Ég skora á alla þá fjölmiðla sem eiga eitthvað í líkingu við þetta í fórum sínum að sína okkur þjóðinni það. VIð eigum rétt á að sjá hið sanna andlit þeirra sem eru að stjórna framtíð okkar. Og ég skora að sjálfsögðu á RÚV að sýna þetta myndbrot fyrst þeir eru búnir að fá það sent í pósti. Þetta er fréttnæmara en margt annað sem kemur þar fram í fréttum.

og hana nú!

Sjáið þið eitthvað líkt með þessu?

2008-11-25T23:39:00.002Z

Ætli við séum ekki bara eins og hauslaus hæna.

Just takin a ride...on my Roomba

2008-11-25T23:14:00.001Z

Borgarafundur í Háskólabíó

2008-11-24T22:17:00.002Z

Jæja þá er fundinum lokið.
Við Þór fórum í háskólabíó en komumst ekki lengra en inn í anddyri því við vorum (auðvitað) ekki mjög tímanlega. Ég var ekki með gleraugun á nefinu þannig að við brunuðum bara heim aftur til að ég gæti barið fundinn augum.

"slurp slurp....mmmm Geiri þú ert með svo mjúkar varir, notarðu Labello?"

Hér koma örpunktar um fundinn frá ykkar heittelskaða þenkjandi skoffíni:
* Ræðurnar góðar og kröftugar
* Skemmtilegur gjörningur þar sem fólk stóð og settist til að sýna hvað það væri auðvelt fyrir fólk standa upp og hleypa öðrum að völdum.
* Að mínu mati tók fundarstjóri of mikið þátt í fundinum. Fundarstjóri á að stjórna fundi, þ.e kynna ræðumenn, stjórna spurningum, passa upp á tíma ræðumanna, minnka frammíköll osfrv., sem hann gerði. En hann kom sínum skoðunum um málefnin á framfæri á milli spurninga og svaraði jafnvel fyrir hönd ráðherra. Ég fílaði það ekki.
* Mér fannst ráðherrar ekki svara spurningum skilmerkilega enda veit ég það að það er ekki gaman að svara fyrir eitthvað þegar maður hefur verið óþekkur og gert eitthvað af sér, hef oft lent í því ;)

Góða nótt börnin góð er farin upp í rúm að lesa.
p.s ný hrútaskráningabók er komin út, þetta er pottþétt jólabókin í ár!

Katrín Oddsdóttir

2008-11-22T16:04:00.002Z

Svakalega var flott hjá henni ræðan á Austurvelli í dag!!! Ég komst ekki á fundinn í þetta skiptið en hlustaði í útvarpinu og ég var öskrandi og steytandi hnefann út í loftið yfir ræðunni hjá henni.

Ég vil meira svona....

Poppkorn

2008-11-19T10:15:00.001Z

Um leið og ég ákvað að örbylgjupoppa í gær, leiddi ég hugann að því þegar ekki var til örbylgjupopp. Þegar poppið bar alltaf í potti og það var hreint listform að poppa án þess að brenna í botninum. Út frá því fór ég að pæla í því hver uppgötvaði fyrst poppið og hvað hann hefur verið ánægður en jafnframt svekktur yfir því að eiga ekki salt. Ég ákvað því að spurja vinkonu mína Wiki um sögu poppsins:

Indjánar (frummbyggjar) í Ameríku uppgötvuðu fyrst poppið og héldu að popphljóðið væru reiðir guðir að koma upp úr pottinum. Í kreppunni miklu 1929 varð popp mjög vinsælt því það var svo ódýrt og því var það lyftistöng fyrir kornbændur á erfiðum tímum. Hvernig popp poppast er allt of flókið fyrir þetta blogg því þetta er ekki tækniblogg takk.

Popp er oft flokkað eftir lögun
Já, það er fiðrildatýpan og sveppatýpan og fiðrildatýpan á gefa betri tilfinningu í munni. Sveppatýpan er ekki jafn viðkvæm og fiðrildið og er því oftar í pakkapoppi.

Stærsta poppkúla í heimi var poppuð í Illinois 2006. Hún var 1550 kíló ...sæll!

Þess má geta að á meðan ég var að leita að mynd af stærstu poppkúlunni komst ég að eftirfarandi:
Það er til síða með ruslfæðisfréttum

Það er ekki bara til stærsta popp í heimi ónei...það er líka til stærsta diskókúla í heimi!!!!!
Þetta var nú skemmtilegt fannst ykkur ekki :)))

Skrítnir tímar...

2008-11-18T13:27:00.003Z

...finnst ykkur ekki?

Ég er margoft síðasta mánuðinn búin að hugsa skemmtileg blogg um hitt og þetta sem maður heyrir og sér þessa dagana en ég hef einhvern veginn ekki komið mér í það. Þetta blogg verður því slitrótt með litlum punktum um liðna daga og vikur án réttrar tímaröðunar.

* Drífa vinkona mín kíkti upp á land um daginn en hún á heima í Vestmannaeyjum. Hún er komin með veglega barnabumbu því hún ætlar að verða tvíburamamma með hækkandi sól. Mér fannst mjög gaman að ná að hitta hana og fara með henni út að borða og ræða um heima og geima. Ég veit til dæmis núna maður verður ekki bara feitur á meðgöngu heldur feitur með góða húð og fallegt hár, sem er þó bónus. Allavega var Drífa algjör bollubjútí.

* Ég fór á mjög uppbyggjandi fund fólks í hátækni- og sprotageiranum á Nordica á föstudaginn eftir vinnu. Þar voru fundarstjórar Svava Grönfeld og Þórólfur Árnason stjórnuðu fundi og voru frábær en ég heillaðist sérstaklega með Svövu. Fólk eins og hún ætti að vera við stjórnvölinn á tímum sem þessum. Hún gæti farið með okkur öll í skemmtigöngu berfætt yfir hraun og við kæmum glöð til baka, þvílíkur er sannfæringarkrafturinn. Á fundinum voru margar mínútulangar ræður þar sem forstjórar og framkvæmdastjórar sprotafyrirtækja og hátæknifyrirtækja töluðu til framtíðar og lofuðu störfum í sínum fyrirtækjum. Einnig komu fram Össur Skarp og Þorgerður Katrín og sögðu frá framlagi ríkis til sprotafyrirtækja. Valgeir og dj Margeir fengu svo alla í salnum með sér og bjuggu til hringitón sem sagði "núna er tækifærið" Ég gekk af þessum fundi full bjartsýni og með fullt af hugmyndum. Það skrítna er að ég hef varla séð fréttir né umtal af þessum fundi. Það er kannski ekki töff að vera með bjartsýnisfréttir þessa dagana.

* Á laugardaginn birtist auglýsing frá MS þar sem stelpan syngur "á íslensku má alltaf....bla bla bla" kann ekki alveg textann. Í lok auglýsingarinnar kom rödd og sagði "Við óskum öllum landsmönnum gleðilegrar hátíðar árs og friðar". Ég hugsaði: "Huhhhh? Það er nóvember? Er kreppan orðin svona slæm að það er verið að nota 10 ára gamla jólaauglýsingu til að minnka auglýsingakostnað?" Daginn eftir fattaði ég svo að það var dagur íslenskrar tungu. En ég meina come on! Það getur nú varla verið mikið mál að taka út áramótakveðjunaí lokin ;)

* Þennan sama laugardag fór ég á mótmælafund niðri á Austurvelli. Ekki seinna vænna að sýna vilja og skoðun í verki. Ég kallaði þar með öllum honum að ég vildi skipta um stjórn í seðlabankanum og skipta um fólk í fjármálaeftirlitinu og ýmislegt fleira sem ég kallaði eftir. Fundurinn fór vel fram (þaðan sem ég stóð), fólk á öllum aldri úr öllum stéttum. Ég hefði samt viljað sjá meiri baráttu og þá er ég ekki að tala um átök. Ég er meira að tala um öflugri baráttuköll og öskur. Reiðin skein ekki nógu skært út úr fólki....any who, vona að það verði meiri mótmælaköll næstu helgi. Allir að mæta...líka þú!

* Kjarri kúl skrifaði pistil á föstudaginn sem mér fannst einn sá besti í langan tíma. Hér er hann:

Sá vægir sem vitið hefur meira
Einu sinni bjó leigubílstjóri í litlum, köldum bæ. Leigubílstjórinn passaði vel upp á að halda litla leigubílnum sínum alltaf hreinum.

Einu sinni bjó leigubílstjóri í litlum, köldum bæ. Leigubílstjórinn passaði vel upp á að halda litla leigubílnum sínum alltaf hreinum. Broddborgurum bæjarins þótti gaman að spjalla við leigubílstjórann um heima og geima meðan á ökuferðum stóð. Leigubílstjórinn tók starf sitt alvarlega og lagði sig fram um að geðjast herrunum háu. Allt gekk sinn vanagang í litla bænum.

Snemma um haust hreiðruðu bræður um sig í bænum. Annar var risi og hinn var dvergur. Dvergurinn keyrði leigubíl, en sá var fjólublár og ljótur. Dvergurinn vildi bara spjalla um grænar baunir við farþega sína. Íbúar bæjarins þorðu ekki öðru en nýta sér leigubílaþjónustu dvergsins. Þeir voru nefnilega hræddir við risann bróður hans. Risinn átti það til að skvetta náttúrulegum lækningasmyrslum á vegfarendur. Leigubílstjórinn á litla leigubílnum var dapur yfir stöðu mála.

Hann gekk því á fund bræðranna og stakk upp á málamyndun. Dvergurinn myndi horfa á mynd með Cuba Gooding Jr. og í staðinn fengi risinn óheftan aðgang að sundstöðum bæjarins. Allir voru sáttir við þessa lausn.

Við fyrstu sýn virðist þessi litla dæmisaga ekki eiga mikið erindi í dag. En getur verið að ákveðin viska leynist í henni við nánari skoðun?

Svarið er nei. Þessi saga á ekki erindi við neinn, nokkurn tíma. En til að forðast að vera minni maður en flestir aðrir pistlahöfundar þjóðarinnar þessa dagana er bráðnauðsynlegt að rigga upp einhverju sem hljómar eins og hnyttin myndlíking fyrir ástandið. Góðar stundir.

*Og svo eitt að lokum. Sá þessa mynd á Laugarveginum í síðustu viku. Þetta er gleraugnabúð sem er búin að setja þetta í display gluggann sinn.

Ég vona að "sumir" fari að segja af sér að pólítískar ráðningar muni heyra sögunni til. Það eru allir komnir með upp í kok af spilliskít og við viljum öll fagfólk til að leiða landið áfram. Afhverju þykir það bara "eðlilegt" að dýralæknir stjórni fjármálum heils lands? Afhverju er maður, sem hefur haft starfan af því að koma pólitískum skoðunum sínum á framfæri í 25 ár, settur sem einn æðsti stjórnandi í Seðlabanka? Pólitískar skoðanir eiga þar ekki heima, heldur einungis her hæfustu hagfræðinga og viðskiptafræðinga. Það ætti að vera hinn íslenski her!

Jæja, takk og bless...best að fara að vinna aftur ;)

Tortola núðlur uppskrift handa kreppurum

2008-10-23T11:43:00.002Z

Já nú er upprunninn tími þeirra hæfustu til að lifa af kreppuna og ég hef sett mér að vera ein af þeim. Ég hef einsett mér að hata ekki auðmenn því þeir bara vissu ekki betur greyin (já þeir eru núna bara grey) og auk þess vil ég eyða minni orku í gáfulegri hluti, eins og til dæmis kreppueldamennsku. Ég er í töluðum orðum að gæða mér á Tortola núðlum ala Eva og ég ætla að deila uppskriftinni með lesendum.

Tortola núðlur
Tími: 5 mín

1 pakki núðlusúpa að eigin vali (40-60 kall)
Vatn (ókeypis)
dash af soja
dash af sterku sinnepi (ef það er til)
nokkrar sneiðar af osti
1 tómatur í sneiðum (ef það er til)

*Núðlurnar hitaðar í örbylgju eða með hraðsuðukatli eða á eldavél ef þú býrð svo vel að eiga eina slíka.
* Vatninu hellt af
* Ostinum hrært út í
* Sinnepi og soja bætt við.
* Tómatur skorinn niður og settur út í.

...Voila, tilbúið!

Trommum saman á föstudaginn

2008-10-16T11:30:00.001Z

Meira af hæfileikum belja

2008-10-08T22:01:00.001Z

Grey kallinn

2008-10-08T10:45:00.002Z

Er þetta ekki alveg magnað viðtal? Ætli honum hafi fundist spurningarnar óþægilegar?

þegar ég sá þetta viðtal þá reyndi ég að rifja upp þau viðtöl sem maður hefur hlustað á hér heima á íslensku miðlunum og ég man ekki eftir að nokkur fréttamaður hafi spurt forsvarsmenn bankanna almennilega þessarra óþægilegu spurninga sem við almenningur eigum heimtingu á að fá svör við. Man einhver eftir slíku viðtali? Látið mig vita.

Borað í nefið án mikillar fyrirhafnar

2008-09-30T10:48:00.002Z

Þess má geta að ég get einnig borað svona í nefið, svona ykkur til upplýsinga ;)

...gelymdi að segja

2008-09-29T11:08:00.001Z

Það er frábær mánudagur í dag, Sólin skín!!!!! ...eruð þið ekki búin að sakna hennar?

Ekkert internet...

2008-09-29T10:55:00.002Z

Það komu upp vangaveltur yfir lambalæri um helgina hvort það væri ekki bara allt í lagi að hafa sjónvarpslaust á fimmtudögum og í júlí eins og einu sinni. Okkur þótti það í raun ekkert tilt0kumál að fá smá frí frá imbanum. En svo kom upp sú hugmynd að hafa ekkert internet á fimmtudögum og í júlí. Það þarf ekki að nefna að það þótti EKKI sniðugt og í raun bara rugl! shit hvað maður er háður þessu.

Einn góður á sunnudegi fyrir okkur hönnuðina

2008-09-28T12:56:00.005Z

Sunnudagur

2008-09-28T12:46:00.002Z

Í dag er sunnudagur og ég var að borða bixímat. Egill í Silfrinu ræðir gengi krónunnar við mann og annan. Bróðir minn var að klára marathonhlaup í Berlín og mágkona mín er örugglega að versla í molli í Boston. Kærastinn minn er við það að setja tölvuna í kjöltuna í vinnuham og ég er að spá í að snyrta á mér neglurnar.

Bank bank

2008-09-23T13:54:00.001Z

Er einhver heima???

...saknið þið mín? Er kominn tími á blogg frá Evé Slevane?

Bloggflensa

2008-06-18T17:45:00.003Z

hóst hóst....hef ekkert getað bloggað....ég er búin að vera með svo mikla bloggflensu. Helstu einkenni eru stórkostleg leti og ritstífla af hæstu gráðu.
Ég vona að ég sé búin að jafna mig á þessu. Ég þarf líka að laga lúkkið á síðunni, það er alveg rosalega slappt og hreinlega ljótt.

En þangað til ætla ég að deila með ykkur lúðasögu af sjálfri mér.

Ég var að gera auglýsingu í síðustu viku og þurfti að nota orðið "nággrannar". Þór horfði yfir öxlina á mér og spurði hvort það ætti ekki bara að vera eitt "g" í "nággrannar" og ég var nú ekki á því. Ég ákvað því að gúggla orðið til að sjá hvort fleiri notuðu eitt eða tvö "g". Þegar ég gúgglaði orðið "nággrannar" með tveimur g-um þá komu BARA upp færslur af mínu eigin bloggi.

Ég er því ein um það að skrifa nággrannar vitlaust. Spurning hvort ég eigi að halda því áfram og vera svona sérvitringur eins og Halldór Laxness. Ég gæti til dæmis hætt að nota ybselon því það tekur meira pláss eða hætt að nota kommur. Eða að ég gæti tekið upp svona finnska íslensku, haft fleiri en einn staf þar sem á að vera extra áhersla.

Haalló krakkaar. Hvað segið þið goott.

...bara pæling

Loksins!!

2008-05-05T12:55:00.000Z

Leggjið í gjaldskyld stæði og borgið með símanum!!

Skráið ykkur hér

Gamall skólabróðir er töffari

2008-04-23T09:48:00.001Z

Ásgeir Valur sem var með mér í Kvennó er að taka þátt í List án landamærao og verkið hans er dýrast í heimi!!! Sjá hér

Töff klukka

2008-04-20T22:05:00.000Z

Skoða hér

Rölt niður minningarveg með YouTube

2008-04-19T16:20:00.002Z

Fór á þessa mynd með Mumma bró, í Laugarásbíó minnir mig. Olivia náttúrulegasta bara mest gorgeous í heimi þarna. Í minningunni var hún stjarna sem kom til jarðar og varð ástfanginn og söng og dansaði, best að tékka á Wiki...Jámm hún var semsagt listagyðja sem kom til jarðar og varð ástfanginn - hver elskar ekki svona söguþráð.

Eigum við að ræða þetta eitthvað frekar?

Hver grét ekki yfir þessu atriði?

Þessi var meiriháttar, var í öllum barnaafmælum.

Þeir voru ýkt sætir:)

Það er ekki hægt annað en að líta upp til aðferðafræði Ferris

My name is ....

Vax on, vax off

What ever you do, don't fall asleep!

They're heeeeeeeere

...gæti haldið áfram en læt ykkur með þetta í bili :)

Hvar eigum við að halda keppnina?

2008-04-18T11:07:00.003Z

Mér finnst þetta skemmtilegt myndband, finnst það góð hugmynd að vera með þetta á léttu nótunum. Svo finnst mér snilld þegar diskókúlan dettur í lokin, svona eins og hann hafi drepið diskóið hehehe ;)

Góðir molar frá Helgu Dís

2008-04-16T09:56:00.000Z

Vissir þú.....

.... að ef gínur í búðum væru raunverulegar konur væru þær of grannar til þess að fá blæðingar?

.... að af 3 milljörðum kvenna í heiminum eru aðeins u.þ.b. 10 súpermódel?

.... að Marlyn Monroe notaði stærð 14 (ameríska, sem er sama og 44 í evrópu) og hafði alla karlmenn í vasanum án þess að nokkur kvartaði yfir kílóunum á henni?

....að ef Barbie væri alvöru kona væri hún svo vansköpuð að hún yrði að ganga á fjórum fótum?

.... að konur eru að meðaltali 65 kíló (ekki hávaxnar) og nota stærðir 12 til 14 (amerískar = 42-44 í evrópu)?

.... að ein af hverjum 4 konum á háskólaaldri þjáist af einhverskonar átröskun?

.... að fyrirsæturnar í glanstímaritum og sjónvarpi eru lagaðar til í tölvu eða fiffaðar með lýsingu og ljósmyndatrikkum?

.... að rannsóknir hafa sýnt að fimm mínútna lestur glanstímarita veldur þungu skapi, skömm og sektarkennd hjá um 70%kvenna

.... að fyrirsætur fyrir 20 árum voru 8% léttari en konur almennt?

.... að fyrirsætur í dag eru 23% léttari en konur almennt?

Fegurð konunnar er ekki hægt að smækka niður í mælieiningar heldur felst hún í þeirri útgeislun sem ástin á sjálfri sér veitir hverri og einni.

-Fegurð felst í þroska og góðri sjálfsímynd og fer einungis batnandi með árunum.

-Spurningin er ekki um fatastærðir, kílóafjölda, hæð eða háralit, heldur er hún spurning um að læra að elska sjálfa sig frá toppi til táar.

-Hjálpumst að við að ýta undir góða sjálfsímynd hvorrar annarar. Við erum allar æði...........og ekki gleyma því!

Já, ég er líka strumpur

2008-04-15T07:55:00.000Z

Gæsun um helgina

2008-04-14T12:41:00.004Z

Guðný sæta (með kórónuna) var gæsuð um helgina því hún er að fara að gifta sig 16 maí nk. Við sóttum hana heim til sín og fórum á VOX í High Tea sem var meiriháttar. Þaðan fórum við í Mecca Spa á Sögu og svo í ljósmyndastúdíó Frikka þar sem Guðný sjálf stillti okkur upp. Við fórum svo heim til Sigrúnar vinkonu Guðnýjar og borðuðum indverskan mat, sungum í SingStar og drukkum skrilljón kokteila. Svo var endað á apótekinu með almúganum og skotið og dansað. Takk fyrir frábæran dag - Sjáumst sem fyrst Guðný:)

Magnaður harmonikkuleikari

2008-04-11T09:41:00.000Z

Kíkið hér

Vangavelta dagsins

2008-04-08T09:43:00.001Z

Vissuð þið að ef þið sláið inn veffangið epli.is þá dettur maður inn á vefsíðu Glitnis. Afhverju ætli það sé???

Well...hello there !!!

2008-04-07T21:14:00.002Z

Flottur gosbrunnur

2008-04-06T22:01:00.002Z

Datt niður á mynd af þessum gosbrunni á netinu. Nokkuð flottur. Hann er í Irving í Texas og sást stundum glitta í hann í Dallas þáttunum forðum daga.

Fleiri myndir af honum eru hér

Allir á þjóðhátíð

2008-04-04T18:02:00.002Z

Nú er maður þokkalega búinn að finna búninginn fyrir þjóðhátíðina í ár. Nú er bara að semja eitt gott þjóðhátíðarlag svo maður fái meira að segja að stíga á stokk og performa í búningnum. Hverjir vilja vera með í búning????

löv,
Eva

ps. Alma mágkona og söngspíra er að fara halda tónleika í söngskólanum í Garðabæ í kvöld klukkan átta. Allir með áhuga ættu að skella sér. Ykkur að segja mun leynigestur stíga á stokk og syngja smá með, getið hver það er.

Uppáhalds lagið mitt

2008-03-19T14:20:00.001Z

og frábær dansspor sem allir ættu að læra um páskana!!!

Einu sinni

2008-03-19T11:47:00.002Z

var lítil hvít dúfa sem átti heima á stóru gráu gangstéttinni. Hennar markmið í lífinu var að ná að drita á eins margar axlir og mögulegt væri áður en hún settist í helgan gangstein. Dag einn var hún á vappi á gangstéttinni stóru eins og vanalega, að gera ekki baun í bala og vera fyrir. Þá hitti hún allt í einu lítinn apaling. Apalingurinn hafði villst frá Afríku hinni stóru yfir á stóru gráu gangstéttina alveg óvart og óskiljanlega. Dúfan hafði aldrei séð svona apaling og varð strax ástfanginn af honum og apalingurinn af henni. Þau eignuðust mörg apadúfuskrípi og urðu hamingjusöm þrátt fyrir fordóma frá bæði öpum og dúfum.

Köttur úti í mýri setti upp á sig stýri úti er ævintýri

Almennilegur yddari

2008-03-18T23:01:00.002Z

Var ég búin að segja ykkur

2008-03-11T13:12:00.002Z

að Solla vinkona er orðin fullorðin? Hún giftist honum Sindra sínum þann 28. feb

Húrra fyrir þeim!!!

Sindri og Solla

Flott hjón

Að vaska upp er fyrir plebba!

2008-03-06T00:42:00.004Z

Ég á núna uppþvottavél og er hætt að vaska upp.
Fyrir þá sem ekki vita þá er uppþvottavél nýjasta græjan á eldhústækjamarkaðnum. Maður setur bara allt leirtau inn í svona kassa, setur þvottaefni í og hann þvær fyrir mann á nó tæm, þvílík uppfinning.

Tapað - fundið

Mandarina Duck gleraugu - týndust í fyrra, finnandi vinsamlegast láti mig vita.
Einn svartur támjór skór með skrauti - týndist um daginn, finnandi vinsamlegast láti mig vita.
Brún peysa fannst í Þverholti 5 - Bjössi þú ert velkominn í heimsókn:)
Grannur en jafnframt vöðvastæltur líkami - finnst vonandi á þessu ári
4 Gb fjólublár minnislykill - týndist í haust, finnandi vinsamlegast láti mig vita.
Hálf flaska af Captain Morgan - tapaðist í áramótapartý 1993, veit ekki hvar, finnandi vinsamlega skili í formi bjórs eða kokteils, er að fara að djamma um helgina
Póstur í Þverholt til Lailu - ekki fyrsta vinkonan sem fær bréf í Þverholtið, Laila vertu velkomin í heimsókn:)
Lyklar á blárri símasnúru (mjög töff og tilfinningalegt gildi) ásamt buddu um hálsinn með strætómiðum og kannski skiptimiða - týndust um 1987 eða 8 - finnandi vinsamlegast láti mig vita.

Eins gott að ég var í pollagalla þegar ég vaknaði

2008-03-04T14:10:00.003Z

..eða sko þegar ég fór út í morgun.
Ég ætlaði að hjóla í vinnuna en ég gat hvorki losað lásin á hjólinu mínu né Þórs þó að ég smyrði allt draslið í klessu með VD40 sem er náttla undraefni heimsins. Ég var á endanum öll orðin úti í undraefni en lásinn pikkfastur. Ég ákvað þá að labba í vinnuna í pollagallanum. Þegar ég var komin að Hlemmi þá kom einn strætó á fullu á leið í Vesturbæinn og ég hoppaði upp til að spara mér sporin niður Laugaveg. En þessi strætó var ekkert að fara í vinnuna niður í bæ eins og ég!!! Hann var að fara í íslenska erfðagreiningu, út á flugvöll, út í KR, þennan líka fína rúnt um vesturbæinn. Ég endaði á því að hoppa út á mótum Hofsvallagötu og Hringbrautar (til að fara ekki hringinn til baka) og labbaði þaðan í vinnuna í grenjandi rigningu líklega lengri leið heldur en niður laugó. Kennir manni að verða ekki latur við Hlemm nema að vita hvaða strætó fer hvert ;)

ps. Mig langar í iPhone...ég ÞARF iPhone. Það er sko komin lítil sprunga á skjáinn á símanum mínum þannig að ég get ekki lengur látið sjá mig með hann á almannafæri. Þetta er bara eins og þegar maður fær lykkjufall á sokkabuxurnar...maður spókar sig ekki í þeim eftir það, maður kaupir sér nýjar!!!

heheheh

2008-03-03T09:33:00.001Z

Mikið var það ljúft...

2008-02-19T14:43:00.000Z

...þegar ég sá allan snjóinn hverfa af jörðinni. Var orðin frekar leið á honum. Svo finnst mér líka æðislegt að á morgnana sér maður loks sólarglætu. Þið getið ekki trúað því hvað mér finnst miklu muna um þessa blessuðu birtu. Mér finnst ég bara ekki gerð í þetta desembermyrkur. Ég er meira svona sól/blíða/bikini týpa. Ég segi nú bara guði sé lof fyrir rafmagnið og guði sé lof fyrir gaurinn eða gauruna sem fann upp jólaseríurnar, án þeirra hefði desember verið ýkt dimmur.
Við Þór fórum í leikhús í síðustu viku og sáum Baðstofuna í Kassanum í Þjóðleikhúsinu. Ágætis stykki og fær mann til að hugsa um ömurleikann sem því fylgdi að vera íslendingur í torfkofa. Allt ógeðslega skítugt og kalt og dimmt og eymdarlegt. Ég er fegin að ég var ekki til þá.

....ohhh var að líta út um gluggann, það er aftur byrjað að snjóa sniff sniff

Nýjasta sköpunarverk kínverja

2008-02-12T13:33:00.000Z

Kunnuglegt? ...svipað og eitthvað???

NEI!!! alveg eins!!!
Kíkið á síðuna hjá þeim hér og athugið að Síma merkið er eldra

Inflúensueva

2008-02-04T14:40:00.000Z

Usss suss suss hvað þetta er ömurlegt hóst hóst (ái vont). Búin að liggja alla helgina í móki með hita og hósta...hver ykkar smitaði mig!?!?!
Fór á Pam Ann uppistandið á föstudaginn með Þór, Mumma og Ölmu en fyrst stúffuðum við okkur út af Sushi á Sushi Train amminamm. Svo fórum við á B5 og enduðum á Ölstofunni. Á leiðinni heim fannst mér soldið vont að anda að mér kalda loftinu, hvað var það? -12 er það ekki? Kannski ekki skrítið að daginn eftir vaknaði ég hríðskjálfandi með beinverki og aumingjaskap. Mér líður örlítið betur í dag en er samt með hósta dauðans og hausverk og er bara heima.

hmmm þetta er frekar lélegt blogg, mér dettur ekkert merkilegt í hug.

Brrrrrrrrrrrrr

2008-01-31T10:12:00.000Z

Úfffff lærin á mér eru frosin eftir að hafa labbað í vinnuna!!!! Samt ágætt að labba smá til að losna við hasssperrrrur dauuuuðans eftir stöðvapúlið á þriðjudaginn. Ég á td mjög erfitt með að setjast og svo er ég með þvílíkar sperrur milli herðablaðanna! Get ekki beðið eftir að fara í næsta tíma!!!

Á morgun ætla ég að fá Sushi og Pam Ann - Hlakka til

Annars er lítið að frétta af mér:)

Bellissimóbless

Ljósastofan

2008-01-28T10:42:00.000Z

Díses, ég er ekki að grínast í ykkur. Það er til raunveruleikaþáttur sem heitir Sunset Tan sem fjallar um starfsfólk á ljósastofu og alla conflicta sem geta komið upp á milli starfsfólksins. Eitt atriði sem ég sá var um það að það var komin rosa spenna á milli starfsfólksins og þau ákváðu að leysa spennuna með því að gera bikini dagatal með öllum ljóshærðu sætu botox silikon starfsstúlkunum...kræst!!!

Mæli með Brúðgumanum

2008-01-25T22:54:00.000Z

Fór með Þór og mömmu og pabba í bíó áðan á eina íslenska. Góður húmor, falleg Flatey, þvílík sumarnostalgía. Skellið ykkur í bíó um helgina ;)

ps. Finnst ykkur ekki merkilegt að hlusta á hljóð frá nággrönnum? Þið munið kannski eftir ðe kreisi ones hérna um árið en núna í janúar er einmitt eitt ár síðan þau fluttu úr Þverholtinu, guði sé þakkargjörð! Um þessar mundir eru á hæðinni fyrir neðan miklir partýfílar. Þeir eru alltaf í stuði um helgar og mér finnst mjög merkilegt að heyra í þeim. Eina stundina er eins og þeir séu allir að syngja þjóðlagateknó frá Úkraínu og hina stundina koma búkhljóð sem maður greinir ekki hvort eru hlátur eða grátur...en líklegra þykir mér að það sé hlátur því varla halda þeir grátpartý hverja helgi. Þá væru þeir nú verulega skrítnir! Svo er annað...ég held að ég hafi aldrei séð þá...kannski eru þeir vampírur!! Sofa á daginn - Gráthlæja á nóttunni!! Þetta er bara borðleggjandi.

Ein önnur pæling... þegar þið segið "ég efa það" .... hugsið þið þá til mín??

Ekki gleypa tyggjó!!!

2008-01-25T13:21:00.000Z

Er skjárinn þinn skítugur?

2008-01-24T22:31:00.000Z

Ýttu þá hér

Afmælissnót dagsins

2008-01-22T15:20:00.000Z

...er engin önnur er Drífa Hrífa sem Eyjar blífa(r)

þannig að þeir sem misstu af Goonies og kók með lakkrísröri í gær hafa ennþá tækifæri.

Önnur afmælisbörn dagsins eru:
Georg Washington, en hann er dáinn
Drew Barrimore...
og svo fann ég ekki fleiri en þetta eru tv0 stór og góð nöfn.

Kveð ykkur úr volæðisbælinu í Þverholti þar sem ég sit núna í keng og vorkenni sjálfri mér meira en börnunum í Bíafra af því að ég er að drepast úr magasýrukasti.

Tveir afmælisdrengir í dag

2008-01-21T13:32:00.000Z

Ég óska Svavari og Bjössa til hamingju með afmælin sín í dag. Megi þeir borða mikið af súkkulaðiköku og blása á mörg kerti og opna marga pakka og drekka kók í flösku með lakkrísröri og horfa á Goonies!

...ég myndi allavega gera það

Mig hefur alltaf langað að...

2008-01-21T13:07:00.000Z

...prófa að setja mig saman upp á nýtt til að sjá hvort ég sé meiri hægri maneskja eða meiri vinstri manneskja. Creepy.

Snjór og blíða í Suðurhöfum

2008-01-20T15:50:00.000Z

Hæ
Ég er í Eyjum og það er gaman:)
Fór á góða koju með Drífu hrífu á föstudaginn og við ákváðum að mála mikið með gömlum málningarkassa sem Drífa átti. Við urðum eins og tvær stórglæsilegar dragdrottningar með eiturbleikar varir og kinnalit. Við settum líka shimmer á Martein Gorm (sem er köttur) því hann var eitthvað svo grár og litlaus við hliðina á okkur drottningunum. Ég held að honum hafi líkað vel make-over-ið.

Við litum nokkurn veginn svona út. Cool huhhh???

Jibbíjei!!

2008-01-16T09:58:00.000Z

Ég er búin að finna bloggsálina mína aftur preis ðe lord!

Ég hef kannski ekki frá jafn mörgu að segja og þegar ég var á Spáni en ég get talað endalaust um ekkert og það er bara allt í læ.
Svo er ég líka farin að skoða öll hin bloggin af meiri áfergju en síðastliðið haust þegar ég datt bara eiginlega út. Ég komst þá td að því að Guggi Pop bekkjarfélagi úr LHÍ er orðinn pabbi (skrifaði fyrst óvart að hann væri orðinn pappi (sem hann er ekki*)) og ég óska honum til hamingju með það.

*Hvað er að vera pappi? Fyrir utan það að vera pappi í pappakassa, finnst ykkur pappi þá ekki vera einhver sem er ótrúlega ómerkilegur? Að vera bara bleðill er þá að vera ómerkilegur og mjór en að vera pappi er þá að vera ómerkilegur og soldið feitlaginn!!!

Tungumálaörðuleikar

2008-01-15T10:33:00.000Z

Örðuleikar - Öðruleikar...ruglast alltaf á þessu. Ruglast samt oftast á bakarí og apótek. En þetta myndband kemur því ekkert við.

Lærið að dansa eins og fagmennirnir

2008-01-14T09:52:00.000Z

Úti á lífinu í gær

2008-01-13T16:51:00.000Z

Laila Lúllagæla á afmæli í dag - Til hamingju mín kæra!

Við fórum út að borða í gær í tilefni afmælisins, ég og Þór, Laila, Lúlli, Bogga og Hersteinn. Við fórum á Einar Ben og fengum eðalmat og eðalþjónustu frá þjóninum Lúðvík. Við völdum okkur öll "kokkurinn velur" og það klikkaði ekki. Við fengum segamegasíld, hörpudisk, saltfisk, gæsabringu og súkkulaðieitthvað í eftirrétt. Við fengum svo kaffi, koníak, Baileys og Irish Coffee í koníaksstofunni á efstu hæð. Við rúlluðum okkur út af Einari Ben um 2 leitið. Við droppuðum inn á Rex og fengum okkur þar einn drykk. Ég gef nú ekki mikið fyrir þetta Rex kjötborð en það var mjög skemmtilegt að fylgjast með fólkinu akta á brennivínsást. Það var par þarna sem ætlaði bókstaflega að éta hvort annað. Hann var standandi, haldandi á henni og hossandi henni til að geta kysst hana betur. Svo sátu þau og hún skakaði sér fagmannlega ofan á honum og ef ekki hefði verið fyrir fötin þá var þetta bara eins og atriði í góðri klámmynd. Ég segi nú samt takk fyrir mig við þetta par því ef þau hefðu ekki verið þarna til að glápa á þá hefðurm við bara haft mannin með gráa hárið og risastóru hendurnar sem sat við hliðina á okkur til að horfa á. Á leiðinni heim sáum við svo einn feitan æla og einn mjóan dauðann. Svo sáum við líka strák sem var búinn að ná sér í stelpu. Vinir hans voru greinilega ekki sáttir og sögðu við stelpuna "Sorrý þú ert ekki hluti af dagskrá kvöldsins" ...smekklegt.
Kvöldið í heild var samt brilljant og ég get ekki beðið eftir að fara á Rex aftur...eða þannig.

Tveir hlutir

2008-01-04T11:26:00.000Z

Mér finnst orðin plebbi og plebbalegur mjög skemmtileg orð en þau eiga ekki við um mig.
Orðið píkupoppari á þó við mig því ég fíla Sugarbabes, en samt ekki rassaköstin þeirra í myndböndum. Önnur tónlistarskilgreiningarorð eiga líka við mig því ég er ekki bara píkupoppari. Ég er líka rokkhakkavél, klassíkúler, teknótæfa og húsunnandi. Dauðarokk fíla ég þó ekki nema endurflutt í öðrum útsetningum eins og hér.

2008 - ár rottunar

2008-01-02T13:03:00.000Z

Gleðilegt ár kæri forseti, forsætisráðherra, fjölskylda, vinir og vandamenn!!!
Einnig óska ég ykkur öllum gleðilegrar jólarestar
og farsældar á rottuárinu framundan.

Af mér er alveg slatti að frétta. Um áramótin hætti ég að vinna á auglýsingastofunni sem ég var að vinna hjá og ætla að fara að freelansa. Ég hlakka fullt til og er fegin að vera orðin eigin fröken á vinnumarkaðnum. Þannig að ef eitthvert ykkar vantar súperhönnun þá vitið þið hvert á að leita. Ég er að koma vefnum mínum í form, lúkkið nokkurn veginn komið en er ekki búin að setja inn nýjustu verkefnin.

Ýtið hér til að skoða

Strenguð þið áramótaheit? Ég strengdi eitt. Ég er búin að vera með gömlukonumjöðm í eitt og hálft ár núna og get ekki hlaupið. Áramótaheitið er að koma henni í lag og fara að hlaupa aftur eins og vindurinn. Svo væri náttla göfugt áramótaheit að blogga meira á nýju ári ...hver veit , kannski tekst mér það:)

Jæja, ætla að halda aðeins áfram með vefinn minn.

knús og kossar frá Evu frjálsu

Jólalagið í ár

2007-12-11T14:58:00.001Z

fíla vel kóreógrafíuna með handaskellunum á lær.

Þetta er snilld fyrir okkur hönnuðina

2007-11-15T09:41:00.000Z

Make My Logo Bigger

Sumarbústaður um helgina

2007-11-05T14:38:00.000Z

Hæ fólk

Helgin búin og hún var góð.
Fórum saman ég, Laila, Drífa, Helga Dís og Katla í sumarbústað í Ölfusborgum. Það var mikið spjallað, drukkið, borðað, spilað og alls konar meira. Til dæmis skoðuðum við veiðisafnið á Stokkseyri með gíraffa, zebrahesti, ljónum og skrilljón öðrum dýrum. So urðum við kynferðislega hrifnar af jakkafataauglýsingaplakati á Selfossi og Laila ætlar að stofna aðdáendaklúbb fyrir það. Vinkonuleikurinn mikli var haldinn annað árið í röð og vann Laila titilinn í þetta skiptið. Ég stóð mig ekki eins vel í ár eins og í fyrra þegar ég var í öðru sæti og hreppti síðasta sætið. Það þýðir bara að ég þarf að fara að vera betri vinkona og læra alls konar hluti um stelpurnar utan af ;)

Hér eru myndir

Fyrir troðfullt Desktop (MAC)

2007-10-29T12:33:00.001Z

Þá er þetta frábært:)

Hazel

Hazel tekur til á desktoppinu fyrir mig...það er lúxus :)

Lítil stelpa fæddist í nótt

2007-10-29T09:51:00.000Z

Olla vinkona og Emil kærastinn hennar fjölguðu mannkyninu í nótt og óska ég þeim til hamingju með afraksturinn, lítil prinsessa:)

Gimme Gimme

2007-10-26T09:44:00.001Z

Þá er Britney platan Blackout komin í mínar hendur og best að setja sig í gelgjugírinn og hlusta án fordóma!
Læt ykkur vita hvernig gekk;)

Ég þoli ekki...

2007-10-16T14:20:00.001Z

að ég sé ekki með boddí eins og þessi hér!!!
Hvaða einkaþjálfara er hún með? Veit einhver það???

Jólin koma...jólin koma

2007-10-16T10:21:00.000Z

Það er kominn miður október og ekki seinna vænna að fara að minna sig pínulítið á jólin. Ég spilaði fyrsta jólalagið á laugardaginn. "Það er allt breytt vegna þín...þú komst með jólin til mííín til mín til mín" og svo tók ég annað í dag "Santa baby" með Eartha Kitt, hún er kúl:)

Ætlið þið á Airwaves næstu helgi. Ef svo er, ekki þá klikka á því að kíkja á Hraun á föstudagskvöldið í Listasafni Reykjavíkur. Hver veit, kannski verður gestasöngvari með þeim ;)

Nauðsynlegt...

2007-10-15T22:01:00.000Z

...er að vita hvenær maður deyr og gott að setja það inn sem memo í símann eða adressubókina.

Hvenær deyrð þú?

Ég mun verða 99 ára og vona að þið verðið í góðu chilli með mér þá ;)

Röfl dagsins

2007-10-15T16:24:00.000Z

komiði sæl og blessuð

Í dag ætla ég að röfla um frétt sem ég var að lesa á mbl.is
Þar er tilkynning frá Líffræðiskori Háskóla Íslands:

"Fundur líffræðiskorar raunvísindadeildar Háskóla Íslands, haldinn 12.10.2007, harmar þá afstöðu fulltrúa Íslands í Evrópuráðinu, Guðfinnu Bjarnadóttur, að greiða atkvæði gegn ályktun ráðsins sem varar við því að sköpunarkenningin verði kennd sem vísindagrein í hinu opinbera menntakerfi Evrópulanda, að því er segir í ályktun líffræðiskorar."

Það kemur jafnframt fram í bréfinu að Líffræðiskorið beinir þeim tilmælum til ríkisstjórnar Íslands að þessi Guðfinna verði kölluð heim og að skipt verði um fulltrúa í Evrópuráðinu.

HEYR HEYR!!!
Mér finnst alveg fáránlegt að fulltrúi þeirrar þjóðar sem trúir mest allra þjóða í heimi á þróunarkenninguna skuli ekki vera sammála því að það sé vafasamt að kenna sköpunarsöguna sem vísindagrein í skólum. Er hún Guðfinna sköpuð úr rifi einhvers manns úti í bæ?
CHRIST OHHH MIGHTY

Allt að gerast

2007-10-11T15:23:00.000Z

Nýherji búinn að kaupa TM og Dag(finni Dýra)lækni afhendur lykillinn að Reykjavík. Villti Tryllti Villi fær ekki að vera með. Honum var nær að leyfa ekki rónum að drekka kaldan bjór ;)

Frábær miðvikudagur

2007-10-11T14:27:00.000Z

Ég er eitthvað í svo miklu stuði í dag!

Er þetta ekki ekta

2007-09-28T11:54:00.000Z

íslensk viðskiptalífsdæmisaga

Íslenskt og japanskt fyrirtæki ákváðu að keppa í róðri á áttæringi.
Liðsmenn frá báðum fyrirtækjum æfðu stíft og voru í toppformi þegar að sjálfri keppninni kom. Japanirnir urðu 1 km á undan íslenska liðinu.

Eftir útreiðina var mórallinn að sjálfsögðu heldur slæmur í íslenska fyrirtækinu og yfirstjórnin ákvað að fyrirtækið yrði að vinna keppnina að ári. Var settur á fót vinnuhópur til að skoða vandamálið.

Eftir heilmiklar pælingar komst vinnuhópurinn að því að Japanirnir létu 7 menn róa en einn stýra. Í íslenska liðinu var það einn sem réri og sjö sem stjórnuðu. Vegna þessarar miklu krísu afréð yfirstjórn íslenska fyrirtækisins að fá ráðgjafarfyrirtæki til að kanna strúktur íslenska liðsins og gera nýtt skipurit ef á þyrfti að halda.

Eftir margra mánaða vinnu komust stjónunarfræðingarnir að því að í íslenska bátnum væru það of margir sem stjórnuðu en of fáir sem réru. Með hliðsjón af skýrslu sérfræðinganna var strax ráðist í skipulagsbreytingar. Í stað þess að hafa sjö stýrimenn og einn áramann voru nú hafði fjórir stýrimenn, tveir yfirstýrimenn, einn leiðtogi stýrimanna og einn áramaður. Að auki var

áramaðurinn "motiveraður" samkvæmt meginreglunni: "Að breikka starfssvið starfsmanna og veita þeim meiri ábyrgð".

Næstu keppni unnu Japanirnir með 2 km forskoti.

Íslenska fyrirtækið rak að sjálfsögðu áramanninn með tilliti til lélegrar frammistöðu, en greiddi bónus til stjórnarinnar vegna þeirrar miklu vinnu sem hún hafði innt af hendi.

Hver hefur ekki upplifað svona stjórnunarhætti? Afhverju er það svona sér íslenskt að allir vilji hafa titil og völd? Er þetta einhver minnimáttarkennd í okkur íslensku náttúrubörnunum?

Takk Hildur fyrir þetta:)

2007-09-21T09:39:00.001Z

Frábær tónlistarmaður

2007-09-14T13:48:00.000Z

Gett ekki annað en deilt þessu með ykkur. Mögnuð síða!

Nýtt stundargaman

2007-09-06T22:20:00.000Z

Ég hef uppgötvað nýtt stundargaman sem ég hef skemmt mér yfir og vil deila með ykkur svo þið getið gert slíkt hið sama.
Það er nýbúið að skíra allar strætóstöðvar nýjum nöfnum og nú getur hver og einn rúntað um götur borgarinnar og gert sér að skemmtilegum og fróðlegum leik að geta upp á hvað næsta stöð heitir. Ég veit til dæmis núna hvað allar stoppistöðvarnar heita frá Þverholti upp í Ármúla. Finnst ykkur þetta ekki frábært.

Svo vildi ég líka segja að mér finnst Jesújúdasauglýsingin fyndin og hún særir ekki mína trúarlegu vitund.

takogbles

Halló heimur!!!

2007-08-30T13:43:00.000Z

Já þá er ég bara mætt á svæðið aftur endurnærð eftir frábæra 3 vikna sumarflakkferð til Ítalíu með Þór, Lailu og Lúlla. Takk fyrir frábæra ferð kalkonarnir mínir;)

Ég kom heim með rosa brúnku og svaka bjórbumbu brúnkan hvarf daginn eftir en bjórbumban situr sem fastast og neitar að yfirgefa svæðið. Afhverju gat það ekki verið bjórbumban sem hvarf og brúnkan sem neitaði að fara??? ég bara spyr

Síðasta helgi var viðburðarík í lífi vina minna. Hún Hildur bleika Skorrdal giftist honum Þorra sínum við hátíðlega viðhöfn og geysifagran söng Evu Hrannar, þið þekkið hana;) Veislan var frábær og maturinn æðislegur. Til hamingju turtildúfur:)

Næstu helgi ætla ég að skella mér í sólarhring til Siglufjarðar og Ólafsfjarðar í vinnuferð. Ég hef ekki komið þangað síðan ég var 6 ára. Þá kom ég víst á höfnina á Siglufirði í dagsferð frá Vaglaskógi með mömmu og pabba og fór víst lítið út úr bílnum sökum fiskifýlu, litla borgarbarnið. Ég veit í dag að þetta er peningalykt og ætla að anda henni vel að mér í þetta skiptið.

dettur ekkert meira í hug í bili, bless kex

Tom Cruise er 45,3 kjúklingar

2007-08-22T21:34:00.000Z

Já þessu var ég að komast að rétt í þessu á Internetinu. Þessi síða er með skrítinar umbreytingar á hinum og þessum málum. Kg og cm eru soo like yesterday

Weird Converter

Til hamingju!!!

2007-08-03T08:11:00.000Z

Hae allir saman
Eg oska nokkrum adilum til hamingju i dag.
Pappi atti ammali 31 juli og Hjalli og Beggu eignudust litla Tinnu sama dag..til hamingju!!!
Thorunn vinkona atti ammali 1 agust og Gudni og Jordi eignudust litinn Christian..til hamingju!!!
Og i dag oska eg Vestmannaeyjapeyjum og paejum til hamingju med Thjodhatidina sem verdur sett i dag.

Kaerar kvedjur fra mafiosaborginni Napoli
Eva Italiano

Buenissima Raquelissima

2007-07-30T09:02:00.000Z

Klár myndskreyta

Skemmtilegt myndband

2007-07-30T08:46:00.000Z

Ég sá þetta á síðunni hennar Lailu og varð að leyfa fleirum að njóta. Hér er linkurinn á síðuna hennar:
Laila

Laila nefndi að þetta væri típískt eitthvað sem hún myndi gera með vinum sínum....ég fékk það líka á tilfinninguna og langaði strax að fara að búa tiil myndband hehehe

Hvað gera bændur nú?

2007-07-30T08:36:00.000Z

Þessi síða útlistar stórt vandamál sem bændur glíma við þessa dagana, skoðið einnig myndbandið/fréttaskotið á síðunni.

CowAbduction

The Tramp Stamp

2007-07-24T00:05:00.000Z

Ég var að uppgötva áðan á meðan ég var að horfa á Jay Leno að árið 1999 skellti ég á mjóbakið á mér "The Tramp Stamp"!!!
Já Jay segir að húðflúr á mjóbakinu sé druslustimpill - Ég stimplaði sjálfa mig druslustimpli. Er samt að reyna að átta mig á því hvað er svona druslulegt við þetta. Eru þá karlmenn með húðflúr á upphandleggnum "karldruslur" eða eru þeir kannski "töffarar"

.........femínistinn í mér kraumar núna.

Gæsahelgi að baki

2007-07-23T23:48:00.000Z

Frábær helgi að baki. Hildur vinkona var gæsuð og vinkonur hennar héðan og þaðan sameinuðust í skemmtilegum degi. Dagurinn byrjaði á því að skvísan var sótt á mótorhjóli af Hjalla töffara - þúsund þakkir Hjalli!!! - og hún fékk far með honum niður í Skeifu. Það tók við magadanskennsla og svo fengu Hilla og mamma hennar kennslu í kjöltudansi, það var mjög fyndið, spurning hvort dansinn muni nýtast þeim báðum í framtíðinni...
Eftir danskennsluna fórum við í stúdíó hjá Magga Kjartans og tókum upp eitt stykki "Eins og Jómfrú" Maggi Kjartans var mjög hress og skemmtilegur og hélt uppi góðu stuði og Hilla sló í gegn, það var varla hægt að heyra mun á henni og Madonnu sjálfri. Eftir stúdíóið var borðað og skroppið í eina salíbunu í Tívolí og skroppið í skotgrafirnar. Ég vann eina mörGÆS og ég gaf Hildi hana og þar sameinuðust tvær gæsir;)
Eftir Tívolí fórum við í sund á Loftleiðum og þaðan fórum við heim til Svönu og borðuðum saman frábæran Mex-mat. Svo var sungið í SingStar, Hildi gefin glæsileg typpakaka, dansað soldið, slúðrað soldið og sungið aðeins meira og slúðrað aðeins meira....alveg ekta stelpukvöld.

Takk allar fyrir samveruna - hittumst í brúðkaupinu í ágúst:)

Mummi Maraþon!

2007-07-16T12:58:00.000Z

Hann stóri bróðir sigrar heiminn enn og aftur á þessu ári. Hann hljóp Kaupmannahafnarmaraþon í vor og núna síðasta afrekið var að hlaupa Laugavegshlaupið sem eru litlir 55 km á 6:15:54. Hann var í 10. sæti í sínum aldursflokki, sveitin hans í 8. sæti og af öllum 133 keppendum þá var hann í 39 sæti. Til hamingju Mummi minn:)

Það koma dagar...

2007-07-09T13:17:00.000Z

...þegar maður er þreyttari en vanalega. Ég vil meina að þetta hafi eitthvað með veðrið að gera, lægðir, hægðir og svoleiðis.

Dagurinn í dag er einn slíkur. Ég á grínlaust erfitt með að halda augunum opnum fyrir framan tölvuna þó að ég hafi fullkomlega áhuga á því sem ég er að fást við. Ég geri ekki annað en að geispa og hugsa hvenær ég get farið heim í dag. Er ég ein um þetta eða eru fleiri á sama veðursvæði og ég að díla við sama vandamál þessa stundina?

Spurning um að prófa eldspítutrikkið og glenna upp augun.

Fjólublár og Brúnn

2007-07-06T16:54:00.000Z

Var að kynnast þessum tveimur og þeir eru ýkt fyndnir!!!

Thank God for Global Warming

2007-07-04T10:53:00.001Z

eins og Siggvatur vinur hans Þórs sagði um daginn. Ég er að uppgötva puttasvita sem klístrar mig við lyklaborðið og ég bý ekki yfir lausnum vegna þessa. Ég er ótrúlega líkamsklístruð eitthvað alls staðar. Get ekki verið í skóm því ég festist bara við þá, langar helst að vera bara á nærbuxum við tölvuna en þá yrði það líklega soldið vandræðalegt fyrir samstarfsmenn mína. Einhver ráð fyrir utan viftur og opna glugga því þau ráð eru í notkun.

Eins og fræga fólkið

2007-07-02T09:51:00.000Z

sem bloggar á fínum bloggum eins og visi.is og moggabloggi þá er ég búin að vera í bloggsumarfríi sökum einstakrar bloggleti. Ég er búin að hugsa stíft í mánuð um næsta blogg en það gerist bara ekkert hehehe. Það er samt fullt búið að vera að gera og kannski verð ég dugleg á næstu dögum og hendi inn einu stóru bloggi í máli og myndum af síðastliðnum mánuði.

Bæ í bili,
Skoffínið

Uppgötvun dagsins

2007-05-31T21:56:00.000Z

Uppgötvaði áðan setningu sem á íslensku þýðir eitt en á ensku þýðir það algjörlega allt annað!

dæmi:

íslenska; „Þú ert algjört rassgat“

enska; "You are a complete asshole"

...merkilegt!

Booooring!!!!

2007-05-31T13:54:00.000Z

Fæ sólarfrí í vinnunni í dag frá 3 veiiiii...en sólin er að fara og það verður örugglega rigning þegar ég fer heim...what the hell!!!!

Svo má ég ekki lengur spila tónlist í vinnunni ... ég er farin í fýlu

Tíminn og ég

2007-05-25T08:26:00.000Z

erum stundum ekki alveg á sömu blaðsíðu. Flestar mínar vinkonur sameinast um það að hafa einhvern tíma lent í því að ég er sein og ég fæ óspart að vita það frá þeim. Líklega er ég farin að lifa skv því að ég sé alltaf sein. Samt er ég "selectively" sein. Ég til dæmis er ekki vinnusein innan akademískts korters og ég mæti ekki of seint á tónleika, í bíó (í lagi að sleppa auglýsingum) eða í leikhús. Það koma stundir sem ég ætla sko virkilega að sýna þeim (sem segja að ég sé sein) að ég geti sko alveg mætt á réttum tíma. Um leið og ég tek þá ákvörðun byrja undarlegir hlutir að gerast sem gera það að verkum að það verður mér gjörsamlega ómögulegt að mæta á réttum tíma. Tökum sem dæmi "ljótuna". Hvað er það??? Og af hverju lenda bara stelpur í ljótunni???? Maður stendur allsber fyrir framan fataskápinn og það er skiptir akkúrat engu máli hvað ég myndi velja mér, ég yrði eins og Ingjaldsfíflið í öllu. Gæti allt eins farið í náttfötum í partý eða matarboðið. En bíddu.... það er kannski málið? Allavega eru unglingar út um allan bæ að chilla í náttfötunum. Ekkert smá hentugt, þá þarf maður aldrei að velta fyrir sér fötum, maður fer bara í því sem maður svaf. Ætli þetta muni lækna seinkuna mína?

Guess not

...en var það þetta sem ég ætlaði að blogga um? nei! Ohhh shit fokk ég er búin að gleyma því sem ég ætlaði upphaflega að tala um. Það var geðveikt merkilegt (minnir mig)....

já frábært!"$#/&%"$) greyjið Eva seina og gleymna

Krakkar?! Tónleikar í kvöld :)

2007-05-16T12:53:00.000Z

Ýtið á mynd til að stækka

Tónleikar

2007-05-13T23:09:00.000Z

Sjá auglýsingu að ofan

Á mánudaginn get ég sagt

2007-05-11T16:05:00.000Z

"ég vinn með töframanni" því það er töframaður að fara að vinna hérna. Magnað,

...sem minnir mig á það að ég átti rosalega erfitt með að segja abragadabra þegar ég var lítil.

sagði alltaf agrabbadabra (ógeðslega glötuð)

sem minnir mig á gott lag

abra abragadabra...I wanna reach out and grab yahh

Ekkert kynlíf

2007-05-11T15:35:00.001Z

Via: VideoSift

Takk Bjössi!!!

2007-05-11T14:09:00.000Z

Til hamingju Jonni!

2007-05-11T11:10:00.000Z

Jonni bekkjarbróðir úr LHÍ er búinn að biðja sína heittelskuðu um að giftast sér - ConGratz!

Tónleikar á morgun

2007-05-10T15:53:00.000Z