Myndir frá ferðalagi í Galisíu síðustu helgi

Þetta var skemmtileg ferð til Vigo í Galisiu þar sem Þór fór á fimmtudagsmorgni og ég bættist við á föstudagskvöldi. Þór, Oscar og Maria sóttu mig út á flugvöll og var brunað beint í Sjávarspa - Spa þar voru bubblupottar með hreinum upphituðum sjó. Svo var farið á veitingastað frænda hans Oscars og hann eldaði ofan í okkur rosa gott sjávarfang og drukkum héraðslanda. Á meðan við borðuðum var bíllinn geymdur í sjálfvirkri bílageymslu, já svona eins og sjálfsali. Bíllinn hverfur inn í svona lyftu og er fluttur beam-aður eitthvað og kemur svo til baka þegar búið er að borga. Daginn eftir fórum við til Santiago og skoðuðum þar bæinn og borðuðum hádegismat. Um kvöldið var svo keyrt út úr bænum upp í sveit á veitingastað sem var á gömlu sveitasetri. Staðurinn er ekki auglýstur og fólk veit bara af honum ef það þekkir einhvern sem hefur farið á þennan stað. Það borðuðum við mat frá héraðinu grilluðum pulsu upp úr héraðslanda, borðuðum köku úr kaffilanda og drukkum vín úr leirglösum. Daginn eftir skoðuðum við Vigo í ágætisveðri og flugum svo heim um kvöldið.

Það sem ég lærði um Galisíu:
1 Gott hvítvín
2 Gott sjávarfang
3 Mikið landastolt - Hreinn landi, Kryddlandi, Kaffilandi, Kaffirjómalandi, Landakökur, Landapulsur osfrv.
4 Rignir mikið


Kvöld í Vigo



Ég, Oscar og Maria del mar



Fyrir framan rosa merkilega kirkju í Santiago



Hjá Vigo



Á ströndinni hjá Vigo









ekta matur frá Galisíu á veitingastað sem engin veit um nema af afspurn og hann er einhvers staðar uppi í sveit



Galisískur matur



Þór í rigningu


Jól á næsta leiti


Eva í aldingarðinum Vigo


Dónaastytta

vista-blogga-senda blogg