Ástkær fósturjörð

Það er ljúft að vera komin heim í VEÐUR!!!
Lágrétt rigning, slydda og jafnvel skafrenningur saman í bland;)
Við komum lentum rétt fyrir miðnætti á föstudag. Daginn eftir var brunað beint á jólahlaðborð á Hótel Heklu (já þar sem Bachelor stelpurnar voru) og borðaður 9 rétta kvöldverður. Vel heppnað kvöld og gaman að hitta vinina og borða og djamma saman. Á sunnudeginum fórum við svo beint í Kjósina að finna jólatré til að höggva og drekka glögg og kakó og borða alls konar brauð og gúmmulaði. Mjög jólaleg stund í faðmi fjölskyldunnar og fullt af snjókomu og roki til að bæta á stemninguna.

Á sunnudagskvöldið að lífinu bara tekið rólega og í gær fórum við í sund. Er búin að sakna þess að fara í almennilegt sund/potta þar sem maður situr og syndir í hita og hausinnkemur upp úr í kulda. Já það eru skrítnir hlutir sem maður fer að meta þegar maður býr erlendis, sem maður tók aldrei eftir (þannig séð) áður en maður flutti út.

Í kvöld ætla ég að hitta Þórunni og vonandi Ella og Lúlla líka og auðvitað Þór. Við ætlum að fara á kaffihús og fleiri eru velkomnir sem vilja:)

Annað kvöld er svo laufabrauðsútskurður og á fimmtudaginn er ekkert planað. Svo er bara Þoddlákur og svo koma blessuð jólin.
Já bráðum koma jólin :)

vista-blogga-senda blogg