Krumpudýr

Í gær var ég í strætó og danglast um Barcelona. Í strætó var alveg eld eld eldgamalt hrukkumenni. Hún var svo gömul að hún mátti fara út að framan (sem aðrir yngri borgarar mega ekki). Hún var alvveg pínku lítil, náði mér í nafla og var ekki einsömul. Í för með henni var dóttir hennar og hún var álíka gömul og AMMA MÍN!!!

Í kvöld stíga Silvía, Birgitta, og aðrir söngvarar sem ég veit lítið um, á svið í júróhöll Íslands. Ég get víst ekki horft á þetta beint því ég er að fara út að borða í kvöld á besta sushi staðinn í BCN, að sögn Guðnýjar. Svo er kveðjukvöld hjá Marianne vinkonu minni því hún er að fara heim til sín til Nýja Sjálands og ég sé hana örugglega ekki í bráð. Allavega ekki fyrr en ég verð orðin viðbjóðslega rík og get ferðast heimshorna á milli í einkaþotunni minni. Einkaþotan mun verða með svefnherbergi og skrifstofu þar sem ég mun hanna framúrstefnulegar hannanir sem munu breyta sýn flestra á heiminum. Að utan mun vélin vera bleik með máluðum gleym-mér-ey-um út um allt. Svo munu vera vöðvastæltir þjónar sem bæði elda ofan í mig djúsí hollan mat og einnig einkaþjálfa mig á sama tíma þannig að ég líti alltaf út eins og hollywood stjarna. ...hvað var ég annars að tala um? Já Júróvisjón! Hinir keppendurnir eru víst ýkt fúlir yfir að Silvíulagið lak á netið. Ég veit ekki....kýs fólk ekki bara það lag sem því finnst flottast eða kýs að kjósa Silvíu nótt eða ekki eftir því hvernig hún stendur sig. Mér finnst þetta ekki skipta svo miklu máli. Lögin úr fyrr þáttum eru komin með forskot líka því þau hafa verið spilu á rás2. Það verður gaman að koma heim í kvöld og sjá Silvíu meika það. Hvernig verður meikuppið, hvernig verður greiðslan, hvernig verður múnderíngin???

vista-blogga-senda blogg