Ojojojoj

Sunnudagur til sælu eða hvað?
Nei ekki aldeilis. Fórum á þorrablót í gær og blótuðum eins og vitleysingar!!
Buðum fyrst Guðný, Jordí, Jesse og Agnesi í fordrykk hingað heim og löbbuðum svo á þorrablótið. Það var haldið í sal hérna rétt hjá. Við blótararnir vorum á efstu hæð að syngja undir harmonikkuleik og drekkandi brennivín á færibandi á meðan börsungar dönsuðu salsa í grímubúningum á neðstu hæðinni (það er svo carnival þessa dagana) Það var líka sannkallað íslenskt diskótek þar sem Silvía Nótt var spiluð ég veit ekki hvað oft og hér og þar á dansgólfinu mátti sjá að einhverjir voru búnir að kynna sér danstækni Silvíu Nætur og temja sér hana í takt við lagið. Einnig hljómuðu "Gleðibankinn" og "GaggóVest" mjög oft og svo kom alltaf af og til "Þú gleymir aldrei þessum augum" með Stjórninni en þá tæmdist alltaf dansgólfið af skiljanlegum ástæðum. Agnes sá um að ég drykki nógu mikið brennivín (held að við höfum klárað úr flöskunni sem var í boði) svo dönsuðum við öll með mismiklum tilþrifum. Óli Adolfs sá um harmonikkuleik og þar var enginn í vanda með að finna næsta lag. Söngbókin var bara tekin í gegn frá A-Ö. Hann kom svo og þakkaði okkar borði sérstaklega vel fyrir sönginn því auðvitað tókum við mest undir:) Þegar þorrablótinu var lokið var okkur stefnt í eitthvað gallerý í meira djamm. Eftir smá ráf um Raval snerum við bara heim á leið og sögðum gott í bili af fiestu og ég er mjööög fegin í dag. Biði ekki í verri líðan í dag.

Það er búin að vera íslensk helgi í Eskandal, sem er norræn hönnunarbúð hér í borg. Ég er ekki menningarlegri en það að ég hef ekki látið sjá mig þar þó að ég hafi sko ætlað að gera það. Veit til dæmis að það eru rosalega flott húsgögn til sýnis þar eftir hönnuð sem heitir Guðrún Lilja.


Flott huhh? Ég er allavega mjög skotin í þessu.

Þór fer á morgun aftur til Vigo og verður í 2 daga núna. Á meðan verð ég bara í góðu chilli og bíð spennt eftir að fuglaflensan komi yfir landamærin frá Frakklandi. Ekki nema 3 tímar héðan. Nei djók, nei sorrý að ég djókaði með þetta. Þetta er náttla ekki mikið grín. Var að horfa á Kompás þáttin frá NFS og ég get ekki neitað því að maður verður svolítið kvekktur. Samt ætla ég ekki að taka þátt í ofsahræðslu yfir þessu, það hefur ekkert upp á sig. Hmm Eva á alvarlegu nótunum.

Takk fyrir skemmtunina í gær kids. Alltaf gaman, nema næst ætla ég að sleppa brennsanum, bjórinn og ópallinn er alveg nóg takk og bless.

vista-blogga-senda blogg