Í dagsins önn

Lífið gengur sinn vanagang á Concordia. Enn ein vikan liðin eins og eldibrandur og önnur á leiðinni og hún á eftir að líða alveg jafn fljótt. Það er alveg ótrúlegt að það er kominn mars og áður en maður veit af þá verður maður komin heim á klakann. Já kæru vinir það eru bara nokkrir mánuðir í það.
Bolludagur leið og ég fékk enga bollu. Sprengidagur leið og ég fékk ekkert saltkjöt. Öskudagur leið og ég var ekki í grímubúning og söng ekki fyrir neinn. Svo kom fimmtudagur og þá söng ég fyrir söngkennarann minn og um kvöldið komu Guðný og Agnes í OT. Á matseðlinum var Bloody Mary í forrétt (alveg extra sterk), Chilli sin carne og Polenta kaka í aðalrétt. Í eftirrétt var svo jarðaberjastöff ala Eva. Ladyfingers bleyttir í baileys, sneidd jarðaber, þeyttur rjómi og bráðið mars yfir...algjör bomba! Svo var náttla kaffi með baileys með.

Í gær fórum við svo út að borða í hádeginu saman ég, Þór, Agnes og Cristian vinnufélagi Þórs. Flottur staður og góður matur. Síðan röltum ég og Agnes um bæinn og enduðum á Hotel Ommm í nokkrum bjórum, Síðan var haldið heim á leið og kvöldið bara rólegt. Í dag fórum við í ræktina og héldum svo pulsuveislu fyrir tvo með íslenskum pulsum, sinnepi og remó, vantaði bara steikta laukinn og íslensk pulsubrauð. Það er svo á stefnuskránni að skreppa eitthvað út að borða í kvöld með Guðný, Jordí og co.

Ætti kannski að fara að huga að því í hverju ég ætla að fara;)

ps.

vegna fjölda eftirspurnahef ég loksins sett inn myndirnar frá þorrablótinu síðustu helgi - enjoy

vista-blogga-senda blogg