Æ mig auma

Fór í söngtíma í morgun og Isabel söngbeljukennari var ekkert smá leiðinleg. Í fyrsta lagi er ég löngu orðin vön að ég kemst aldrei í gegnum heilt lag án þess að vera stoppuð og leiðrétt en þegar hún fer að herma eftir því hvernig ég syng þá getur hún alveg drepið mig. Hún er væntanlega að gera þetta svo að ég heyri og sjái hvernig ég hljóma en ég get engan veginn séð mig í hennar afskræmdu útgáfum af mér. Mér finnst hún, að leika mig, miklu verri en ég í eigin persónu! Náðuð þið þessu? En hey er ekki dauð sökum kennsluáreitis ennþá þannig að ég kvarta ekki ;)

Rassinn minn er aumur. Fór að púla í gær og rassinn vælir í dag af harðsperrusársauka. Nú er ég búin að vera voða dugleg að fara í ræktina og held að ég sé að styrkjast alveg fullt en missi ekki neitt af kílóum. Já ég veit, fyrst bætir maður á sig vöðvunum og svo brennir maður fitunni í burt. Mér finnst ég bara þurfa að bíða svo lengi. Hvað ef ég lendi í því að bæta bara á mig vöðvum og ekki brenna neinni fitu? Enda ég þá ekki sem einhver Hjaltína Úrsúla??? Ég verð víst bara að bíta á jaxlinn og róa mig niður og slaka örlítið á og chilla smá og bíða bara róleg.

Með krafta í kröggum,
Magnúsína Verja

ps. Kann einhver á Mayu og býr yfir þeirri þekkingu að geta "beam-að" þekkingunni í hausinn á mér?

vista-blogga-senda blogg