Bíldudals grænar baunir

Gleðilega páska vinir og ættingjar nær og fjær, Jesú, halelúja og allt það:))
Dagurinn byrjaði heiður og fagur með skínandi sól og heiðskýri. Við borðuðum morgunmat á stuttbuxum og hlýra uppi á terrössu og ákváðum að fara út úr bænum á strönd og hafa það náðugt í dag. Við hjóluðum út á lestarstöð í steikhita og upp í næstu lest upp Costa Brava. Á leiðinni komu upp vangaveltur:

"Hvaðan eru Ora grænu baunirnar? Eru þær hvergi til í heiminum nema á Íslandi? Er Ora eitthvað tengt Bíldudal? Hvar er Bíldudalur? Hvernig er súkkulaðið sett utan á súkkulaðirúsínur? Hvaða töggur eru bestar? Eru bingókúlur í raun kringlóttar súkkulaðihúðaðar töggur?"

Ef einhver sem les þetta blogg hefur svör við einhverju af þessu endilega commentið

Þegar við færðumst nær áfangastað fór að þykkna yfir himni og allt í einu vorum við komin inn í massa þoku. Við ákváðum að þá væri tími til að hoppa af lestinni og skelltum okkur út í litlum bæ sem heitir St. Pol de Mar (eða eitthvað sollis) og fengum okkur frábæra Paellu, smokkfisk og saltfiskbollur og flösku af hvítvíni til að skola þessu niður. Já lífið getur alveg verið ljúft í þoku.

Við röltum svo um bæinn og keyptum okkur páska fótbolta úr suðusúkkulaði til að japla á og skelltum okkur svo í lest til baka. Planið var að hoppa út um leið og það væri komin sól en hún kom ekki. Það var mistur og þoka alla leið að Barcelona og viti menn, þar skein sólin. Nú erum við komin heim og það er nördatími (hlið við hlið með tölvu í kjöltu) þangað til við förum að taka okkur til að fara út að borða í kvöld. Hver veit kannski tjúttum við bara líka:)))

Bíldudalsbless,
Prinsessan á bauninni

vista-blogga-senda blogg