Ég og Lína

Það eru einhver tengsl þarna á milli sem ég er alltaf að sjá meira og meira. Ég og Lína Langsokkur eigum alveg ótrúlega margt sameiginlegt!!!
Við erum báðar með freknur og sítt hár sem við getum fléttað. Ég er reyndar ekki með rautt hár en einu sinni litaði ég það rautt þegar ég lék Línu þegar ég var 14 ára og mamma var nú ekkert sérstaklega ánægð. Manstu eftir því mamma? Svo þegar reynt var að bjarga hárinu með nýrri litun þá varð það fjólublátt (en samt skárra).
Við Lína áttum báðar heima í gulu timburhúsi, veit reyndar ekki hvort hennar var númer 34. Ég á ekki apa eins og Lína en ég hef komið á apavatn og svo get ég líka stundum verið soldið apaleg. Hey jú ég á apa!!! Þór gaf mér apabangsa einu sinni sem heitir Níels! Ég get ekki ennþá lyft hesti en ég er að æfa á fullu núna til að ná Línustyrk. Gæti faktískt lyft svona dverghesti. Hvar búa þeir annars?
Svo kemur það besta...pappar okkar eru báðir skipstjórar!!!! Ójá, hann pabbi er sko kominn með skipstjóraréttindi á 60 brúttótonn sem gerir það að verkum að ég er bara næstum alveg eins og Lína Langsokkur. Ekki leiðum að líkjast huhhh?

Til hamingju pabbi minn - Aaaaaallir um borð!!!!!

vista-blogga-senda blogg