Páskar

Já páskarnir eru alltaf kærkomið frí. Við Þór vorum að rifja upp að við höfum held ég alla páska síðan við kynntumst verið klessur og gert ekki rass í bala um páska og okkur hefur alltaf líkað það bara ágætis vel. Þessi páskahelgi er nú kannski ekki mikið frábrugðin öðrum liðnum páskum. Við höfðum ætlað að fara út úr bænum og upplifa menningu og bla bla en við erum að fara í næstu viku til Prag og við ákváðum að láta það duga. Svo eigum við von á skrilljón gestum í maí og það verða gestir hjá okkur samfellt í mánuð þannig að ég held að þá verði nóg menningast og skoðað.




Þór er loksins loksins búinn að kaupa sér fák og nú getum við farið eins og vindurinn um alla borg...ekkert smá skemmtilegt. Við fórum í gær leiðina upp að íbúðinni sem Anna og Jóna verða í í maí og við erum 15 mínútur á leiðinni þangað. Svo hjóluðum við þar í kring til að skoða umhverfið og það lofar góðu. Fullt af búðum og veitingastöðum rétt hjá. Við stoppuðum svo á leiðinni heim á nýju hóteli hérna rétt hjá og fengum okkur nokkur hvítvínsglös. Þar sat líka par frá Írlandi sem við fórum að spjalla við. Eftir 3 hvítvínsglös á mann vorum við búin að plana að hittast í kvöld. Það kemur í ljós hvort þau hafa samband. Eftir hvítvínið komum við heim og upp á terössu að drekka bjór og borða mojito kjúkling. Mér datt nebblega í hug um daginn að fyrst að mojito er svona góður afhverju þá ekki að borða hann líka. Það tókst bara mjög vel og kjúllinn var súper góður.






Það gerðist soldið ýkt spennandi um daginn. Það var umsátur í húsi hérna í götunni. Það var einhver fullur og að sögn með byssu og það voru 4 löggubílar og allt fullt af löggum í skotheldum vestum (alveg eins og í bíóinu marrr) Ég sat sem fastast úti á svölum og fylgdist með öllu. Fylgdist með löggunni koma, fylgdist með þeim klæða sig í vestin, fylgdist með þeim róa nággranna, fylgdist með þeim fara inn í húsið og svo voru þeir þar í heila eilífð. Ég beið og beið því ég ætlaði sko ekki að missa af neinu. Svo loksins eftir hálftíma eða meira komu allar löggurnar út. Settu einn þybbinn Jón inn í bíl og fóru svo úr vestunum og hurfu á braut. Þetta var engan veginn eins spennandi og í sjónvarpinu og ég ætla ekki að eyða mínum tíma í svona vitleysu aftur. Btw. ég bý ekki í neinu gettói þó að þetta hafi gerst. Bara svo þið vitið það.

Gleðilega páska kæru hálsar - ég öfunda alla þá sem munu borða Nóa Siríus á morgun. Löv, Eva slefa

vista-blogga-senda blogg