Tími ferminga

Ég fermdist 1. apríl 1990 í Neskirkju. Ég átti einstaklega erfitt með að sitja kjurr og þegja í krikjunni og var víst stöðugt pískrandi að næstu stelpum og flissandi, mömmu til mikils ama. Mér tókst nú samt að komast í gegnum athöfnina og séra Frank tróð upp í mig obblátu og þar með var ég orðin fullorðin. Það var haldin veisla heima með mat og tilbehör (roastbeef með alles minnir mig) á skreyttu borði í laxableikum eða lillabláum lit. Gasalega smart back then. Það komu um 30-35 manns í veisluna og ég fékk hljómborð og utanlandsferð frá mömmu og pabba, átta hringa, úr, slopp, fatastand, ferðatösku, útvarpsvekjara, hálsmen, 30.000 krónur í peningum og ýmislegt fleira. Ég var að verða 14 ára með "stórt nef" complexa og tannréttingajárnmunn og hef aldrei verið sátt við fermingarmyndirnar mínar.


Nú blómstrar tími ferminga enn og aftur og því ætla ég að deila með ykkur nokkrum fermingarsögum sem ég heyrði í gær.

1. Fermingarbarn sendi út boðskort um daginn til ættingja og í því stóð að allar gjafir undir 7000 krónum væru afþakkaðar.

2. Annað fermingarbarn sendi sendi einnig út boðskort um daginn til ættingja og í því stóð að gjafabréf í Ikea og Rúmfatalagerinn væru afþökkuð.

3. Ónefnt fermingarbarn var fermt um daginn og fékk um 400.000 krónur í fermingargjöf!!!

vista-blogga-senda blogg