Sunnudagur til sælu:)

Góðan daginn góðir hálsar
Loksins ætla ég að koma mér í að blogga um afdrif íslendinga í útlöndum. Hef verið frekar löt að koma mér í það vegna þess að ég hef verið upptekin við að drekka bjór og borða hér og þar og labba út um allt......alls konar hluti til þess að þurfa ekki að setjast við þessa druslutölvu. Hún hefur verið að kafna í spyware en ég held að ég sé búin að lækna hana með góðri tölvuinnyflahreinsun.
En við skulum ekki fara og langt út fyrir efnið...ég ætlaði að segja ykkur netta ferðasögu af fyrstu vikunni okkar Þórs frá því að við lögðum af stað föstudaginn 14da janúar. (best að koma sér í stellinga og hlusta á Lemon Jelly)


Föstudaginn 14da jan fórum ég og Þór af stað til Londoníu til að eyða þar helginni með Lúllu, Laila, Solla og Sindru því þau eru svo skemmtileg. Verst var að fluginu okkar hafði seinkað frá 3 um daginn til 7 um kvöldið og í raun fórum við ekki í loftið fyrr en klukkan 8. Þá voru góð ráð dýr því að við höfðum ætlað að eyða föstudagskvöldinu í gott djamm í London. Það var því ekkert annað að gera en að skella í sig bjór í Leifsstöð og koma sér í gírinn strax. Svo græddum við líka svo massíft á því að fluginu var seinkað því Iceland Express gaf pulsu og kók í sárabót fyrir seinkun (geri aðrir betur).
Í fluginu sjálfu héldu brjórarnir áfram að renna ljúft niður og flufreyjurnar héldu varla undan (ókey smá ýkjur). Flugið var svo fljótt að líða að það var eins og við hefðum verið "beam-uð" til London.
Klukkan var um 11, hálf 12 þegar við komum og þá var að fara að redda sér niður á Liverpool Street. Við vorum að tékka á því hvað lestin kostaði þegar gaurinn sem vann þar sagði okkur að það væri starfsmaður vallarins á leiðinni heim og hann færi hjá lIverpool Street og að hann væri sko alveg til í að keyra okkur fyrir smá pening. Okkur fannst það kjörið og fengum far fyrir 30 pund sem var bara fínt. Á leiðinni spjölluðum við mest um veðrið en smá um svörtu leigubílana í London og gaurinn sagði okkur að þeir vissu alltaf hvert ætti að fara og ef ekki þá væri hægt að kvarta undan þeim því að það tekur 2-5 (man ekki) ár að læra að verða svartur leigubílstjóri (æj þið vitið hvað ég meina hehe). Á Liverpool Street nældum við svo í svartan leigubíl og báðum hann að keyra okkur á Settlers Street, sem Laila og Lúlli eiga heima, og hann kom að fjöllum!!! Vissi ekkert hvar það var og svo var hann ekki með gleraugun sín þannig að hann lét okkur leita á korti fyrir sig. Nú tók við þvílíkur rúntur fram og til baka um þröngar götur en loksins fundum við götuna og leiðbeindum kallinum rétta leið...meira ruglið.
Loksins vorum við komin til Lailu og Lúlla og Solla og Sindri voru þar líka að bíða eftir okkur. Við fórum ekkert út þetta kvöldið heldur drukkum bara meiri bjór og spjölluðum. Við vorum líka orðin þreytt eftir erfiða pakkningaviku og þá sérstaklega Þór því hann sofnaði í miðju samtali við Sindra, reynið að toppa það!
Á laugardeginum skruppum við í heimsókn til Sollu og Sindra til að sjá íbúðina þeirra og skoða græna bráðnaða teppið eftir Sollu:

sjá mánudagur, desember 06, 2004 - Snillingahornið!

Við fórum svo öll saman á lavarlegustu búllu sem ég hef nokkurn tíma farið á til að stúffa í okkur english breakfast. Þó að staðurinn hafi verið viðbjóður var maturinn alveg fínn (eða þannig) og maður gat horft framan í daginn eftir "svolitla" bjórdrykkju kvöldið áður.


english breakfast búllan

Við ákváðum að skella okkur á Portobello markaðinn í Notting Hill og það var mjög gaman að rölta þar um í rólegheitum og einbeita sér að því að engin týndist út 6 manna súperhópnum. Ég var ósköp róleg í innkaupum og keypti mér eitt armband (segamegaflott) en á eftir að frumsýna mig með það, sýningargestir velkomnir.


Þór og Lúlli


Solla og Sindri í Notting Hill

Þegar markaðinum lokaði skelltum við okkur inn á næsta bar og skelltum í okkur nokkrum öllurum og spjölluðum um heima og veraldlega geima á meðan parið á næsta borði var í alvarlegum sleikum af og til híhíhí. Frá barnum héldum við á Brick Lane og fengum okkur indverskan mat (kannski meira bangladesh mat). Maturinn var snilld og ég uppgötvaði kókos naan brauð amminamm. Okkur kom öllum á óvart þegar við skoðuðum myndirnar á veggjum staðarins og sáum þessa hangandi yfir okkur heheheh.


Lína??

Við fórum eftir indverska á pöbb rétt hjá og sátum úti að sumbli og tókum myndir af öllum pörum í hópnum að kyssast og myndir teknar að öllum á meðan þeir sögðu kjöt og ostur (figure that one out). Svo var líka ein bara svona normal:)




Við vorum komin heim til Lailu og Lúlla á miðnætti því það var uppvakning klukkan hálffjögur um nóttina úff en fyrir utan hittum við bróður hans Lúlla sem er alveg eins og hann híhíhí




Við vorum ekkert sérstaklega tilbúin að fara á fætur þegar við vöknuðum klukkan hálffjögur um nóttina og sumir vildu bara kúra lengur;)




Við fórum með leigubíl alla leið út á völl til að losna við vesen og borguðum aðeins meira en að fara með lest but who cares þegar maður er þreyttur og vill bara komast á áfangastað. Við vorum eins og zombies á flugvellinum þangað til við fengum okkur Starbucks og þá varð allt miklu betra. Í fluginu var ekki fullt þannig að við náðum bæði að sofa aðeins. Þegar við vorum lent var ekkert mál að finna strætó niður í miðbæ Barcelona og þaðan gátum við labbað í íbúðina sem við erum í núna þangað til 28da jan. Þegar við mættum var eigandi íbúðarinnar í sjokki af því að hún hélt að við kæmum ekki fyrr en um kvöldið og hún átti eftir að þrífa þannig að við fórum bara út í göngutúr og gáfum henni smá tíma. Þegar við gátum loks verið ein og skoðað íbúðina þá var hún (og er) ekki upp á marga fiska. Hún er eiginlega bara hola! Rafmagnið í henni er alveg í henglum sem þýðir að það er aldrei hægt að hafa meira í gangi en ca 2 hluti. Það þýðir að það er hægt að hafa tölvuna og vatnshitarann í gangi á sama tíma og kannski eitt ljós en ef maður kveikir á ofninum þá slær út rafmagnið. Ég lenti td í því að þreyfa mig áfram í blindni eftir að hafa slegið allt út með því að blása á mér hárið...alveg frábært. En þetta er vont en það venst eins og allt annað. Hér er Þór inni í eldhúsi og eg er á baðinu að taka mynd af honum híhíhí




Stóri plúsinn við þessa íbúð er að hún er beint á móti H&M - kid you not. Er þetta ekki bara snilld. Gæti þess vegna skroppið á næsrbuxunum ef mig vantaði föt hahaha



Ég er búin að spóka mig sæmilega vel um borgina og fíla hana alveg í tætlur og mér líður alltaf betur og betur hérna. Þór er kominn með skrifstofuaðstöðu hér í miðbænum og líkar mjög vel. Hann deilir henni með tveimur öðrum gaurum og annar þeirra fór með okkur út að borða á föstudaginn (við allavega bjuggumst ekki við meira en því). Svo endaði það með alveg heljarinnar skralli!! Við byrjuðum á því að fara og fá okkur Tapas og þaðan fórum við á pöbb sem heitir 23 Pricesa í Born sem er rétt hjá þar sem við munum búa. Þar voru spánverjarnir orðnir nokkuð vel í glasi og við Þór vorum eitthvað að fíflast með stuðmannaflugmannagleraugun (æj þið vitið sem maður gerir með höndunum) og allt í einu fóru fleiri að apa það eftir á barnum hahahah var mj-g skrítið móment og okkur Þór fannst þetta drepfyndið. Þarna hittum við skoska barþjónin (eða var hann írskur) Brian og hann bauð okkur velkomin sem nýja regulars, eins gott að standa undir því. Eftir barinn fórum við á klúbb í Eixample hverfinu sem er ofar í Barcelona. Ekki spurning um að það var gaman þetta kvöld!!!


My posse

Dagurinn var skemmtilegur og þá löbbuðum við um hverfið okkar tilvonandi. Þetta er gatan sem við munum búa við og húsið (okkar íbúð er á 3ju hæð)


gatan okkar


húsið okkar

Við fórum í dýragarðinn sem er næstum við hliðina á heima. Ég held að við höfum verið á einhverjum fengitíma því upplifum okkar á dýragarðinum var svona:

skjaldbökur að gera hvað?


Krókódílar að gera hvað?

vista-blogga-senda blogg