Skrítinn tími

Núna er klukkan hálftíu og ég á að vera að læra. Ég er búin að horfa og hlusta á allar mögulegar fréttir að heiman bara til að tefja tímann. Ég meira að segja horfði á frétt sem fjallaði um skipulagða leit að sýktu fé. Ég var alveg viss um að þetta væri spennandi frétt um spillta fjármálafjörkálfa (eða er það forkólfahmm) sem væru að fela fé eða eitthvað álíka en NEI. Þetta var hin ómerkilegasta frétt um sýkt sauðfé og var sýnt þegar heil kind var hreinlega bara tekin í sundur....maginn á henni tosaður út úr henni og skoðaður, virkilega subbulegt eitthvað sérstkalega þegar maður býst við peningafrétt!
...og ég ætti að byrja að læra
...best að kveikja á FRIENDS og læra (mér finnst það best í heimi)
Mér finnst rosalegt að missa af úrslitaþættinum í IDOL í kvöld, humm kannski ekkert svo rosalegt, en það hefði verið gaman að horfa á hann eða halda Idol partý í Þverholtinu en það er víst ekki hægt lengur. Ég hef fylgst spennt með á idol.is og veit alltaf strax hver hefur dottið út og maður getur horft á frammistöðuna en það er leiðinlegast að geta ekki séð Bubba drulla yfir lýðinn eða Siggu segja "þú gerðir þetta alveg að þínu eigin" eða "sammála" og horfa á Þorvald stara augun út úr sér á meðan hann talar. Hann glennir augun eitthvað svo mikið út. Hann er kannski með ofvirkan skjaldkirtil, veitiggi. Og svo á hann að semja júró lagið okkar í ár, magnað!! Íslendingar stefna greinilega hátt í ár. "Við komumst í annað sætið með honum og Selmu síðast, það er eitthvað sem getur ekki klikkað" Æj ég veit ekki. Ég er alltaf dáldið á því að maður þurfi að vinna fyrir því að komast í júró en það er kannski bara ég. Hefur Selma verið að gera eitthvað upp á síðkastið sem áskilur henni réttinn til að skreppa til Úkraínu í boði okkar, I think not! En svo kemur náttla á móti að með því að senda af og til bara einhvern valin eða valda út þá er hægt að vanda meira til forkeppni á næsta ári.
Svo verður þetta soldið merkileg keppni fyrir okkur af því að við fáum að keppa tvisvar (þeas ef lagið kemst áfram). Fyrst í forkeppninni og ef að lagið er gott þá bæði komumst við áfram og við fáum forskot á þær þjóðir sem ekki voru í forkeppni því heimurinn Evrópa mun þá sjá lagið okkar tvisvar og þá hefur það sýjast betur inn. Ég þarf að fara að ryfja upp júróvísjónlögin og úrslit liðinna ára svo maður verði til í slaginn í maí. Það verður júrópartý á Flassaders ef einhver vill mæta:D
djís Eva farðu að læra!!!!
Bless,
The Kless

vista-blogga-senda blogg