Eva klaufi

Ég er búin að vera nettur klaufi upp á síðkastið...er það kannski bara alltaf hmmm??? Hér koma nokkur dæmi
1. Um daginn fór ég í búðaleiðangur að leita að gjöf handa Þór. Fór í Alfonzo Dominguez sem er fatabúð á tveimur hæðum. Þegar ég var svo að koma niður af annarri hæð þá tók ég greinilega ekki eftir neðstu tröppunni og hrundi í gólfið. Allir í búðinni tóku eftir því.
2. Í síðustu viku var ég að fara að bursta tennurnar fyrir svefninn en einhvern veginn tókst mér að klemma mig á tannkremstúbunni og það var ööööfga vont - hver klemmir sig á tannkremstúbu?
3. Á laugardaginn ætlaði ég að hella uppá expressó. Það tókst bara vel eins og alltaf. Svo á meðan ég var að hita mjólkina fyrir kaffið þá kom húsálfur og hellti niður könnunni fullri af kaffi niður á milli eldavélar og borðs. Shit ég var ekkert smá pirruð og ákvað að borða bara morgunmatinn minn og hella upp á nýtt kaffi og þrífa þegar ég væri búin. Já nei!! Ég sit í makindum mínum að borða brauðið mitt og allt í einu heyrist KABÚMMM FRRRRRÚÚÚÚÚFFFF. Ég lít inn í eldhúskrók og þá hafði soðið upp úr kaffikönnunni og kaffið sprungið út um allt eldhús og inn í miðja stofu. Kaffikorgur og kaffi alls staðar. Djís...en það jávæða við þetta var að ég var ekki búin að þrífa eftir að hafa hellt niður kaffinu 10 mínútum áður;) Alltaf að hugsa jákvætt.
4. Þetta er Alvarlega lúðalegt
Ég keypti mér gallabuxur í HM eina helgina í sumar og fór strax í þær og út að borða með Þór. Á borðinu við hliðina á okkur sat hópur af strákum og ég tók eftir því þegar við vorum að fara að þeir voru að horfa á eftir mér og brosa skringilega til mín - Ég náttla hélt bara að þeim finndist rassinn bara svona flottur en nei! Ég lúðinn var ennþá með svona stærðarlímmiða aftan á buxunum sem nær niður allt lærið. Gvöð hvað ég var halló þá.

vista-blogga-senda blogg