Hvaða hvaða???

Það hlaut að koma að þessu en það þýðir ekki að ég sé sátt við þetta!!!

""Hjálpum þeim" aftur.

Einar Bárðarson tónleikahaldari og Þorvaldur Bjarni Þorvaldsson tónlistarmaður eru þessa dagana að undirbúa framleiðslu á nýrri útgáfu af laginu "Hjálpum þeim". Lagið var upprunalega hljóðritað árið 1986, gefið út og selt til styrktar Hjálparstarfi Kirkjunnar.
Lagið var sungið af her stórstjarna sem margar hverjar höfðu aldrei komið saman áður. Bubbi Morthens, Helga Möller, Sigrún Hjálmtýsdóttir, Björgvin Halldórsson, Eiríkur Hauksson, Kristján Jóhannsson, Þórhallur Sigurðsson, Pálmi Gunnarsson og fjöldi annarra gáfu þá tíma sinn og vinnu í að láta þetta verða að veruleika.

Nýja útgáfan verður tekin upp núna í nóvember og verður komið í spilun í útvarpi um miðjan mánuðinn. Platan er væntanleg í verslanir og á Tónlist.is um næstu mánaðarmót. Allur ágóði af sölunni rennur óskiptur til Hjálparstarfs Kirkjunnar rétt eins og árið 1986 þegar lagið var fyrst gefið út. Hörmungarnar sem geysað hafa í Pakistan eru kveikjan að útgáfunni en þær eru ofarlega í huga fólks um þessar mundir.

Nýja útgáfan er unnin í samvinnu við Jóhann G. Jóhannson og Axel Einarsson höfunda lagins sem báðir hafa lýst yfir ánægju sinni yfir því að lagið verði nú endurunnið. Björgvin Halldórsson, sem stjórnaði upptökum á "Hjálpum þeim" árið 1986, hefur einnig verið með í ráðum við endurgerðina.

Að sjálfsögðu er stefnt að á það að nýja útgáfan verði alls enginn eftirbátur hinnar upprunalegu en nú er verið að vinna lista yfir þá söngvara sem taka munu þátt í verkefninu og má fastlega gera ráð fyrir að flestar af okkar vinsælustu söngstjörnum muni leggja hönd á plóg - enda málstaðurinn göfugur og þarfur."

Þetta lag er hreint og tært meistaraverk - afhverju þarf að gera nýtt ef gamla virkar fínt? Maður á náttla ekki að dæma áður en maður heyrir en ég er samt í fýlu yfir þessu. Hvernig verður þetta til dæmis í partýum hjá Kalla á Club Kapló þegar á að taka "hjálpum þeim"? Þarf þá að ræða fyrst hvaða útgáfu skuli taka af laginu - I think not!!!

vista-blogga-senda blogg