Lögmálið

Þekkið þið tilfinninguna að eftir því sem maður lætur lengri tíma líða til að gera eitthvað, því erfiðara verður að koma sér í það. Þetta getur til dæmis verið að taka til (draslið eykst og eykst þangað til þú sérð ekki inn í eldhús fyrir fatahrúgum), hringja í vin sem þú ætlaðir að gera fyrir löngu, skrifa jólakort (hef ekki komið því í verk síðan "in the nineties", já eða að blogga. Því lengri tími sem líður því meira er frá að segja og þá verður óyfirstíganlegt að skrifa um allt sem búið er að gerast. Þá þarf maður að taka ákvörðun. Ætla ég að gera ólesanlega langt blogg til að útlista allt sem ég er búin að vera að gera svo enginn missi af mínu lífi eða skiptir það engu hundsmáli? Já kæru lesendur, þetta er erfið ákvörðun.

Ég kannski bara blogga um síðustu vikur og daga í máli og myndum, hugsa að það sé meira spennandi. Hvað bloggaði ég annars um síðast...best að tékka...(svo bæti ég við hér að neðan eftir smá stund (ekki vikur))


Fórum á Michael Collins barinn að kíkja á íslenska trúbadorinn en hann var ekki þar. Það var bar einhver leikur í gangi í sjónvarpinu. Við létum það ekki á okkur fá og drukkum fullt af bjór og átum fullt af snakki


Þór á Michael Collins


OT hjá Agnesi


Jarðaber með súkkulaði


amminamm


Það var drukkin slatti af rauðvíni í OT, hlýtur að vera fyrst Agnes var komin í dúkkuleik með mig að klæða mig í stúdentadragtina hennar;)


Á endanum sofnaði gestgjafinn yfir Stelpunum (stelpunum á stöð2 og stelpunum í heimsókn) enda lengsti OT sem ég hef upplifað brátt á enda. Ég og Guðný skriðum heim um 4 leitið. Takk fyrir gott kvöld:)


Fimmtud. 16. mars seint um kvöld kom Guðrún Helga vinkona í heimsókn til okkar frá Murcia (þar sem hún býr) með krakkana sína tvo, Ólaf Ketil og Perlu Líf. Hér erum við vinkonurnar saman fyrsta kvöldið. Höfðum ekki hittst síðan í útskriftarveislunni minni 2003.


Þau skoðuðu borgina hátt og lágt. Á föstudeginum fóru þau að skoða Sagrada Familia og svo seinni partinn fórum við saman í moll, á róló og löbbuðum meðfram ströndinni.


Stóru börnin leika sér


Á laugardeginum fórum við öll saman að skoða El Grec sem er grískt leikhús/tónlistarhús þar sem haldnir eru reglulega tónleikar undir berum himni.


Allir þurftu að koma fram með atriði. Yngstu krakkarnir sungu og dönsuðu og fóru með spænsk ljóð. Einnig fluttu þau "I like to move it, move it" á þremur tungumálum með hoppum í takt. Eva stóra barn flutti lagið "hjólin á strætó fara í hring hring hring. Guðrún Helga stóra barn fór með tómatabrandara og Þór risabarn flutti atómbrandara með miklum tilþrifum.


Eftir hádegi fórum við í hjólatúr um borgargarðinn og örlítið út fyrir hann. Stórglæsilegur hópur



Á sunnudeginum fórum við upp í Parc Guell, Gaudi garðinn og skoðuðum skrítin form og hlustuðum á bítlatónlist (sjá video að neðan)


Eftir Guell fórum við upp á Tibidabo hæð í tivoli þar sem prófaðir voru klessubílar, rússíbani, undrahús og fleira. Hér erum ég og Þór að klessast


Veðrið var ekki sem best og uppi á Tibidabo, þar sem venjulega sést yfir alla Barselóníu, sást ekki neitt og við löbbuðum "inni" í skýjum. Aðrir myndu kannski kalla það þoku en við vorum svo hátt uppi að ég kýs að kalla þetta skýjagöngu...eða að vera í skýjunum;)


Þór og Guðrún Helga uppi á Tibidabo í hálfgerðri móðu.

Er þetta ekki bara gott blogg í bili? Næst hendi ég inn myndum frá helginni þegar við vinahópurinn fórum á Negro og tóma klúbbinn. Bless í bili og ég skil ykkur eftir með þessa pælingu.

Afhverju eru hlutir skrítnir í kýrhausnum?
Afhverju heita gluggar á skipum kýraugu?
Tengjast kýrhausinn og kýraugun eitthvað?

Sæl að sinni

vista-blogga-senda blogg