Vorið er komið...

og grundirnar gróa
gilin og lækirnir fossa af brún
syngur í runni og senn kemur lóa...

...frétti reyndar að hún væri komin, er hún ekki frosin í hel???

Hér er allavega vorið komið og ég ræð mér ekki fyrir kæti vegna þess:)

Það kom eiginlega síðustu helgi bara einn tveir og pæng um leið og spánverjar stálu klukkutíma af lífi mínu (Daylight Saving Time). Við skelltum okkur í sumarföt og plöntuðum okkur upp á terrössu í gott chill. Verst að við klikkuðum á sólarvörninni fyrsta klukkutíman og urðum ogguponsu rauð (roðn). Ég fór svo í dag og keypti kókosblóm á terrössuna og skilrúm til að afmarka okkar svalir frá næstu, svaka fínt.

Við fórum síðustu helgi með OT og mökum út að borða og á tóman klúbb (var ég kannski búin að segja ykkur frá því?). Það var skemmtilegt kvöld og ég læt fylgja með myndir.

Mamma hans Þórs og Jóna systir hennar eru búnar að ákveða að koma í heimsókn til okkar í maí. Það verður rosa fjör sérstaklega af því að þær verða yfir eina helgi á sama tíma og mamma og pabbi, sannkölluð fjölskylduveisla. Eins gott að fara að plana "hey menning, förum" túra um borgina. Já þið fattið kannski ekki "hey menning, förum" en Drífa og Olla, þið takið þetta til ykkar;)

Ég fór í morgun í tilraun. Já ég tók að mér að vera tilraunarotta fyrir söngkennaran minn. Hann var búin að segja mér að mæta í læknaskólann hér í borg þar sem tengdir yrðu við mig rafmagnsnemar og kúlur sem endurkasta innrauðum geislum. Svo ætti ég að syngja hástöfum og lástöfum alls konar söngæfingar og nemarnir myndu nema allar hreyfingar í líkamanum til þess að rannsaka hvaða áhrif söngur hefði á líkamann. Mjög merkileg rannsókn finnst ykkur ekki? Alla vega...ég mætti seint auðvitað. Ég hafði villst pínkulítið á leiðinni og á endanum þurfti ég að hlaupa eins og vitlaysingur ti að mæta ekki of seint. Svo þegar ég loksins mætti var ég kósveitt og óspennandi sérstaklega þar sem ég þurfti að fara úr að ofan (nei, ekki berbrjósta people!!!). Svo var allt draslið tengt við mig og mér sagt að bíða vegna þess að það væru einhverjir tæknilegir örðuleikar. Svo leið og beið og á endanum þurfti að hætta við allt saman því tækin komust ekki í lag og jafnvel tilraunin farin í vaskinn því ekki til peningar fyrir viðgerð á tölvunni, kreisí huhh. Þannig fór um sjóferð þá.

Jæja best að henda inn myndum.

ps. ég veit að ég hef nú ekki verið duglegust við að blogga upp á síðkastið en halló? Það virðist vera blogglægð yfir Íslandi. Þetta fylgir kannski veðrinu. Kommon kids blogga...annars veit ég ekkert hvað er að gerast. Mig er líka farið að þyrsta í slúður!! Hver er að sofa hjá hverjum og sollis....æj já ég gleymdi....það eru eiginlega allir komnir á fast í kringum mig. Þarf ekkert að heyra um það soferí...old news;)

pps. Á einhver lagið Lalíf? Það var einu sinni uppáhaldslagið mitt.

Á terrössunni um helgina




Úti á lífinu síðustu helgi. Mættir voru: Eva, Þór, Agnes, Jesse, Guðný og Jordí.

vista-blogga-senda blogg